Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Two men in pump boat caught in another blast fishing case |  Double whammy for gatherer |  Safa gets cracking |  Sazarice Group to hold two-day “Have a Rice Day” carnival Sept 21-22 |  Tadau Pahlawan 2019 nakaanjur miampai osindak kinaramaion |  Pingludaan kadaaton id watas Poonsokid kiguno lobi kasaru |  Nilai kemanusiaan dalam era IR4.0 perlu diperkasakan |  New four-storey RM3 million SJK (C) Kin Kiau Kinarut building launched |  Isuzu Malaysia unveils first EEV pick up truck |  Azhar: Get creative, innovative and leap into franchising |  Meruntum Beach clean-up: Local community takes own initiative |  Sebanyak 290 kes hilang kerja di Sandakan |  13 sertai Ekspedisi Headhunter Trails Challengge |  JPN serah 54 gantian dokumen pengenalan diri kepada mangsa kebakaran |  Latihan bencana perlu diadakan lebih kerap, kata Dr Dzulhelmy | 
 Kadazan Dusun

Aiso po luputan 10 monginsada sinazangan: ESSCom

19th June, 2019

LAHAD DATU: Uvang Koumohigan Poimbida Tisan Kohisaon Sabah (ESSCom) au po nokotoimo luputan kogompit totondos kiis minanazang pinopoompit 10 monginsada Philippine id pitakasan Sabah poindoos Kepulauan Tawi-Tawi, Koibutan Philippine, di kosuvab koniab.

Komander ESSCom Datuk Hazani Ghazali minoboos kinantakan dino, nung antakan, au po kaanu popooimagon nung id pitakasan pogun diti toi ko Philippine.

“Gisom baino diti au po izikoi nokotoimo nuununu luputan, om kinantakan au noihaan nung ino nantakan id pitakasan Malaysia toi ko Philippine,” ka disido ontok notuubungan id doiti, di koniab.

Piipio media di koniab pinoposogu kinantakan tinimuingan kisandata i kivaa kogompitan miampai Abu Sayyaf i suminakai duvo padau minanazang 10 monginsada mantad duvo padau id pitakasan Tambisan, Lahad Datu i pougadan kumaa Semporna, kuang hobi jam ko 2 minsusuvab koniab.

Munggui kikotumbazaan sinazangan kumaa Pulau Sitangkai id Koibutan Philippine, kuang hobi 15 minit pamanaan mantad pitakasan Tambisan, Lahad Datu.

Naamot dino id KOTA KINABALU, Vozoon Montili Sabah Datuk Seri Mohd Shafie Apdal ontok noudizo kokomoi ahal dino minoboos polinta Sabah pinapataak atag kumaa boogizan koumohigan id nazatan hongkod montok popotindooi kem susumangod id tampat di kosudong hoohobi no kozo id Zon Atampasi Kohisaon Sabah, (ESSZone).

Isido i nogi Ponikoon Komiti Koumohigan Sabah minoboos, atag dino nopo nga sombogizan mantad pongkimamaan papantod vagu panamangan koumohigan mogiigizon id uvang dino montok monguhan nuununu kahasaan tavagat tumahib pivohitan kaampai no manazang.

Minoboos isido dino kuminaa magaganu abal ontok nasamanan kahapas Forum Sabah Baharu: Cabaran Baharu, Realiti Baharu, Peluang Baharu naazu miampai Institut Koponoizukan Kotundaan Sabah om Institut Strategik Kingsley id doiti.

   
Email Print
   
 
 
E-browse