Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Dabra Sia magangat tambalut artis mamalan ababayan kotundunan |  Sabah mangatag kategori lahan kotombuhuzan habus kakadazan tuidongon |  Lelaki warga asing ditahan, dadah dirampas |  Wisma Kastam Labuan berwajah baharu |  Program Libat Urus Terbuka harus dimanfaat: Ab Rashid |  Foreigner with crystal meth nabbed |  ‘Sabah’s diverse society remains a vital ingredient’ |  FCAS ready to build Wisma Zhong Hua if there is land |  Outstation express bus services kick off operations at KK Sentral |  To dam or not to dam |  SM Lok Yuk shuttlers rule |  108 extreme athletes participate in tournament |  Labuan fans treated to MMA action |  Open opportunity to discuss tennis development |  Non-performing loans to rise 98 pct | 
 Kadazan Dusun

Duvo miobpinai vookon 11 di tinaan AADK

19th June, 2019

DI RIZALMI LIMAN

KENINGAU: Duvo miobpinai vookon 11 di nasagkom notogian dadah i tinaan do boogizan Agensi Antidadah Kabangsaan (AADK) Keningau, id kalaja di pinapanau di totuvong Tadau Minggu.

Tumanud Huguan Kalaja, Azry Golbin @ Azmi, duuduvo miobpinai dino nopo nga mantad dioho duvo kusai om duvo koonduan di tinaan id tampat misuvai id tohu kampung id uvang diti.

Ka disido, poompus kalaja di pinapanau kihinaid do duvo jam nokotimpuun di jam ko 10 totuvong dino, boogizan disido nakahantoi minanaan kiginumu 11 di natandasan mantad dioho vahu kusai om tohu koonduan di saviavi au nakahantoi poniisan sobu dadah kavo methamphetamine toi ko kavo syabu.

Kogompit dino, pinopoiho nogi i Azry do koonduan di nagakom gisom Vuhan koonom diti nakadampot kiginumu 20 tuhun om nogi kinoinsavatan di okito kozo piagahon toun nakatahib.

Naamot dino ka disido, id totuvong di miaga monguasa AADK i pakalaja nga nakapanaan songuhun kusai di natandasan kiumul 59 toun i minangakun nokogompit miampai dadah kihinaid timpu nakatahib 10 toun.

“Tumanud di natandasan kusai dino pinopoiho do kaganapan dadah di naanu nadadi vookon nontodonon kumaa disido montok tuutulus poinhansan miampai pomogunaan dadah gisom baino.

“Montok rekod, umul 58 toun nopo nga umul nagakom di pointuo montok di natandasan notogian dadah i tinoodo do AADK Keningau,” ka disido ontok notuubungan magaganu abal, di koniab.

Ka disido, saviavi di tinaan soizukon id siibo Seksyen 3(1) Akta Notogian Dadah, Pongusapan om Pongumohigan 1983 tu noihaan sabaagi notogian dadah.

Ka disido, saviavi di tinaan nataan naamot kihinaid do sizam tadau do Kuut Majistret Uvang Keningau kotimpuun Tadau Koiso montok angkab koponoizukan sumusuut.

Ka vagu disido, kalaja di pinapanau nopo nga tumanud sogu ginumuan om nogi asil mantad ponohinuan di tinoodo id suang timpu sominggu id saviavi uvang di ikoton.

   
Email Print
   
 
 
E-browse