Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
UMS nosili univositi kumoiso id Malaysia minonuridong C4D |  152 i kitoluo nokotoimo usin raya id hamin pongusapan |  Atag manaak pambalazan kumaa mongingia mongoput balajalan |  Dua pemancing berpaut pada tong kosong selama dua jam di laut |  77 pelajar Pascasiswazah UMS terima bantuan pengajian |  UMS universiti pertama di M'sia tubuh C4D |  Tun M: Rajin, amanah, berdisiplin perlu jadi budaya untuk berjaya |  S P Setia to launch RM6.47 bln projects |  Sharp, Eduspec to equip schools with smarter tools |  Celebrity chef encourages fans to donate to Rumah Bakti Harapan |  First international challenge for cyclists |  Duo to make debut |  100 Christian students for Christian leadership camp |  No Special Branch officers ban at press conferences – CM |  More than 9,000 prohibited products seized | 
 Kadazan Dusun

PBS pinopoimagon mingkakat id suang PRK Sandakan

23rd April, 2019

KOTA KINABALU: Parti Bersatu Sabah (PBS) di koniab pinopoimagon kaampazatan dino id suang pomihian toniini (PRK) Parlimen Sandakan vuhan tiiso.

Polosiden dino Datuk Seri Dr Maximus Ongkili minoboos kotontuan dino tinoodo id suang iso mitingan bro pulitik parti dino id doiti di kavavagu.

Isido i kopokito haang dino sabaagi “monoimo sokodung om kopokionuan sunsud” minoboos PBS maamaso manaas “nuzudan tanau” pihi dioho montok okomi sabaagi pihi di “kaanu humantoi” montok poingkakaton.

“Parti kakal po manaas nuzudan ngaan om humansan montok monoodo kopoihan kokomoi pihi poguhui tadau kopomihian di poingkakaton. Posuangon dagai pihi di ogumu, om ngaan ngaavi di poingkakaton kakal pootodon do puu parti nazatan sunsud id Sandakan,” ka disido id suang kointahangan di koniab .

Minoboos isido nuzudan dino kaampai no buuan ngaavi mantad suang parti, om nogi mantad dahabus.

“Ounsikou nogi izikoi montok popohimbai bondila dagai id suang PRK diti. Mokinsian izikoi kumaa mongungundi Sandakan montok sumokodung PBS montok kaanu nodii izikoi moboos hobi siniou id parlimen. Kaakun nogi o PBS misokodung miampai parti ngaavi gugumaga suvai i miaga ikoton, mantad pot oi nazatan nasional toi ko kinoizonon,” ka disido.

Timpu touvi no PBS pinopohimbai bondila sondii nopo nga ontok pomihian tagazo (PRU) 1999, poguhui minumpazat Barisan Nasional ontok 2002.

PBS minomoduan pakatan dino kahapas parti momolinta pinopokito nangangazan au avasi id PRU-14 toun nakatahib.

Suruhanjaya Pomihian (SPR) pinapatantu 27 Vuhan Kaapat sabaagi tadau kopomihian di poingkakaton PRK Sandakan, 7 Vuhan Kohimo tadau mongundi kopoguhu, 11 Vuhan Kohimo tadau mongundi.

Tikoon Parlimen Sandakan no kosong tu kinapatazon di Puu Parlimen dino Datuk Stephen Wong Tien Fatt mantad DAP, i nogi Montili Kohidasan om Kesejahteraan Sabah, ontok di ko 28 Vuhan Kotohu nakatahib. Bernama

   
Email Print
   
 
 
E-browse