Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
SAPP wants public clarification on new electoral boundaries date |  Champs rest key players for final League match |  Man contracts JE disease in Sabah |  Unlock Art: Le Meridien chooses UCSF to celebrate Sabah’s unique cultures |  Koumohigan ahal di tavagat id Sabah, mositi intangan kozo |  Kusai, 21, noohian toluo JE id Sabah |  AirAsia to pay RM40.73 mln to MA Sepang |  AirAsia seeks partnerships, not rivalry – Tony Fernandes |  FPSK UMS serah semula Blok Klinikal HQE |  'Sanzac Fun Run' rai sambutan jubli emas SMK Sanzac |  Snek pisang Hafiszuddin semakin berkembang di Sabah |  APMM serius tangani pencerobohan bot nelayan asing masuk perairan Sabah |  Wanita miliki produk tidak berdaftar KKM didenda RM5,000 |  Suami isteri dihadap ke mahkamah tuduhan tipu lelaki |  Tiga lelaki mengaku tidak bersalah tuduhan merogol | 
 Kadazan Dusun

Labuan Chimney Walking Trail kopongimbayat tutumombului

180419achimney_2
i Rozman miampai puru Persada minooi intong id Gedung Ubat.

18th April, 2019

Di JAINUDIN DJIMIN

LABUAN: I Puru Parlimen Labuan Datuk Rozman Datuk Isli minoboros, Labuan Chimney Trail id Bukit Kubung do hiti aanu silihon do iso po asil ponombuluyan id pulou diti.

Kohondot dilo’, ka disio koiyonon pimpanahan dilo’ kiguno insonongan om montok ponimpuun pinahabar disio poruntukan RM200,000 montok karaja koponginsonongan kaampai no pongundar ralan, koposodiaan papan tanda om koponuridongan sulap.

Minoboros isio dilo’ kumaa media katalib pinapaharo kotombuluyan id kinoiyonon dilo di kaawagu diti.

Nakatanud nogi i Ponorikohon Koisaan Pencinta Sejarah om Khazanah Labuan (Persada) i Wahidah Abdullah, puru ngaawi’ KRT Lubok Temiang om bagas molohingon kampung Lubok Temiang, i Nordin Ahmad.

Ka di Rozman, watas Labuan Chimney Walking Trail kisinodu do 3.2 kilometer dilo nga’ haro nogi susuyan kahandaman om nung kologos nga susuyan dilo’ kotonggoi do atagak.

Isio i po nogi Ponorikohon Puru Kounsol Monontuduk Perbadanan Labuan minongunsub di kotinanan koporintaan poinggompit kosuul no Koupisan Muzium om Bohogian Kikuasa’ Nokoiyonon (Perbadanan Labuan) do lobi kaparagat papatantu poinggompi kinoiyonon dilo’.

Mogisusuai ababayan pihoohomboan om kopimpanahan aanu popowonsoi doid Labuan Chimney Walking Trail suai ko’ mintong do kinolumison tadau tumonob om kaatul do Nulu Nabalu om Konuluhan Crocker.

Id kinoiyonon diti haro nogi bagas notongkiadan do timpu kolonial kaampai no guang poopian pirulu i ointutunan do Gedung Ubat om Terowong No 1 i winonsoi do poingudong miampai 40 meter rinalom pakayaan doid rahat i kotumbayaan nosili wawayaan di mongungukad tohun watu saalom tana.

Terowong i nokoumbal nokoporundun hinapadan kukumaraja tohun watu dilo’ ointutunan nogi do Lubang Gantang di tongo mogiigiyon nokoiyonon.

Suai mantad dilo’, haro nogi jeti laid notongkiadan do Boritis i ointutunan do Raffles Anchorage om limo tulung mondou (batu nisan) i kotumbayaan do lobong tulun Boritis i nokoumbal poingkaraja i kopongukadan tohun watu.

Tolu diolo ointutunan do i tiagak Alice Watson i nokoidu pogun kiumur 33 toun, Elezabeth Jane (tanak di Alice) kiumur 2 tadau om i Evan Thomas kotumbayaan sawo di Alice i nokoidu pogun id umur 30 toun.

   
Email Print
   
 
 
E-browse