Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
SAPP wants public clarification on new electoral boundaries date |  Champs rest key players for final League match |  Man contracts JE disease in Sabah |  Unlock Art: Le Meridien chooses UCSF to celebrate Sabah’s unique cultures |  Koumohigan ahal di tavagat id Sabah, mositi intangan kozo |  Kusai, 21, noohian toluo JE id Sabah |  AirAsia to pay RM40.73 mln to MA Sepang |  AirAsia seeks partnerships, not rivalry – Tony Fernandes |  FPSK UMS serah semula Blok Klinikal HQE |  'Sanzac Fun Run' rai sambutan jubli emas SMK Sanzac |  Snek pisang Hafiszuddin semakin berkembang di Sabah |  APMM serius tangani pencerobohan bot nelayan asing masuk perairan Sabah |  Wanita miliki produk tidak berdaftar KKM didenda RM5,000 |  Suami isteri dihadap ke mahkamah tuduhan tipu lelaki |  Tiga lelaki mengaku tidak bersalah tuduhan merogol | 
 Kadazan Dusun

RM217 lizong gunoon ponoodo projik kotundaan id Ranau

180419ewon
Ewon minitabi miampai di Jimmy Wong ontok pitimbungakan id Dewan Koundangan Pogun di koniab.

18th April, 2019

Di NOOR ZAFIRA SHAFIE

KOTA KINABALU: Kiginumu RM217 lizong gunoon montok angkab kapanadaan projik kotundaan montok kovosian mogiigizon id uvang Ranau.

Montili Kotundaan Habus Kakadazan Sabah Datuk Ewon Benedick minoboos, poguhudan projik kotundaan todoon mazaa mogisusuvai Komontilian kaampai no Komontilian Kotundaan Habus Kakadazan (KPLB).

“Vookon projik di kogompit nopo nga Muzium Tamadun Budaya Etnik Dusun Ranau miampai balanja RM2.6 lizong, Kuut Anak Negeri Ranau (RM8 lizong), SMK Kundasang (kavavagu) (RM43 lizong), Vokok Pongusapan Vaig Kundasang (RM161,930,233) om Poizanan Mogiigizon Posoihi (PMS) id Mesej Mansalu ino nopo nga projik id siibo KPLB Sabah miampai balanja kiginumu RM2 lizong,” ka disido.

Minoboos isido dino ontok minonima tudizo Puu Dewan Koundangan Pogun (ADUN) Kundasang Datuk Dr Joachim Gunsalam, ontok sesi piudizaan Mitingan Koiso Penggal Koduvo, Dewan Koundangan Pogun (DUN) Sabah ko-15 id doiti di koniab.

Pinopoiho i Ewon do komontilian disido nga minonoimo atag Kotundaan Pekan Baharu Paginatan i pinataak Hahansanon Layat Paginatan Datuk Abidin Madingkir.

Suvai mantad dino ka disido, vookon projik Kotundaan i maamaso id suang kapanadaan nopo nga Maktab Rendah Sains Mara (MRSM) Ranau (kolaborasi miampai Petronas) kihoogo RM135 lizong, Mosogit Kavavagu Air-Rahman Ranau (RM11 lizong), Jalan Rondogung – Telipok (80km) kihoogo RM300 lizong, Upis Kavavagu Kounsol Uvang Ranau (RM5 lizong) om Projik Talian Kapatadan Lotilik 13kv Kota Belud- Ranau.

“Montok projik kotundaan id uvang Ranau i nopongo no nopo nga Kompleks Sipoot Ranau (RM28 lizong), Jalan Bongkud-Mansalu (RM17.5 lizong), Jalan Kibbas- Mohimboyon (12.3km) miampai balanja RM35.5 lizong Jalan Kibbas-Liposu (4km)(RM10.2 lizong), Jalan Piasau-Nagaya (5km)(kihoogo RM11.9 lizong.

“Talun-alun Tinompok- Bundu Tuhan- Himbaan kisinodu 21km kihoogo RM67,689,000, Talun-alun Himbaan- Terolobou (4.2km)( RM14,224,000) om Jalan Tompios kihoogo RM2.99 lizong,” ka disido om minoboos projik kapanadaan Talun-alun Bongkud-Mansalu, fasa sumusuut dino posuangon id RP4 RMk-11.

   
Email Print
   
 
 
E-browse