Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Aiso po luputan 10 monginsada sinazangan: ESSCom |  3,000 mogiigizon Kg. Piasau, kaanu kaganapan vaig mantad sistom siibo tana |  Duvo miobpinai vookon 11 di tinaan AADK |  PIBG Binsulok rayu Kementerian Pendidikan bina bangunan sekolah baharu |  Pembinaan bangunan baharu SMK Libaran beri kemudahan pembelajaran lebih selesa: Zakaria |  Akademik, sahsiah perlu diseimbangkan: Jaffari |  Kebakaran: Kerajaan kaji mekanisme ke arah rancang semula pembangunan kawasan kampung |  Dua pasangan adik beradik antara 11 suspek penagih dadah ditahan |  3,000 penduduk Piasau KB, bakal nikmati bekalan air dari sumber bawah tanah |  Anggota TUDM terpaksa lupakan hasrat berhari raya demi tugas |  Suami tikam isteri hingga mati kerana cemburu |  Nelayan Bajau Laut diculik di perairan Lahad Datu |  Ssamjeang Pizza makes dramatic debut in Sabah |  State govt aims 1,000 entrepreneurs by 2030 |  Setup business plan, entrepreneurs told | 
 Kadazan Dusun

Keewon nokopomongo ‘single’ kaawagu

26th March, 2019

Di RAPHIEL PINUS

UNDUK Ngadau Kaaamatan Pogun Sabah 2018, Hosiani James Jaimis monongkounsikou sabab kopopongo minonuang rolou di ‘single’ kaawagu dau.

Selebriti media sosial dilo’ i lobi ointutunan do i Keewon minonuang rolou di sinding dau dilo roitan do ‘Magandad Dika’ id Pusakag Studio di minggu katatalib.

Nung pogulu diti, i Keewon nokoumbal minoniip sinding ‘Bisikan Cinta Akinabalu’ winonsoi di Iswow i nosili pinongompot do filem ‘Tangisan Akinabalu’, diti baino’, sumandak olumis diti nonuan minogowit sinding id boros sandad dau sondiri, boros Dusun.

Loyou om roiton ‘Magandad Dika’ nopo nga’ sinupu poinponu di komposer om susuminding mantad Kampung Molisau, Tenghilan i Ateng.

“Magandad Dika koposusui di piupusan i kikoompokon do pinitongkiadan nga’ id timpu di miagal, i tondu diri kakal lumansan om manahak kosiwatan kumoinduo kumaa di kusai ponokiuhang dau,” ka di sumandak mantad Tambunan diti.

“Kounsikohan ku nogi’ kumaa di Ateng mantad kosiwatan minogowit sinding winonsoi dau. Ingkaa nogi kumaa GingKaras i nakasaga pinoposolimbou do single ku diti,” ka dau kawagu.

Montok rikod, io’ Keewon dii Ateng pogulu diti miambalut iso karaja’ id GingKaras om pomusarahan montok moniip sinding dilo’, minintonod di maso po diolo’ do poingkaraja’ do hilo’.

Nung maan kopio, pinoniipan kolimpuunon nopo nga’ nowonsoi id studio mini GingKaras, poingkuro po tiniip kawagu doid Pusakag Studio montok no do mamagampot di naangayan i koposontob do ngoduduo bohogian.

Piipiro susuminding suai i nokoponiip sinding wonsoi di Ateng doid GingKaras nopo nga’ kaampai no i Mayon (Seketika Ini), Roy Simon (Apa Khabar Hutangmu) om i Carls Evert Sayun (Masih Terasa).

Pinoniipan id Pusakag Studio di kaawagu diti nuhupan sondiri di komposer, monguni-uni om sanganu studio dilo’ i Douglas Henry, om nokorikot nogi i Ateng.

Mimparagat id kaganaan suai

Ka di Keewon, do babaino diti atangkangou yau di piipiro ababayan miampai do KDCA montok magawi timpu dau sabaagi Unduk Ngadau pogulu orikot kapamaramaian Kaamatan 2019 i tantu no do kopongimbulai songulun po Unduk Ngadau di wagu.

“Kakal ku po do minsingilo ‘vokal’ miampai di Sir Adsone Matthew id Univositi Malaysia Sabah (UMS) miampai nogi di tongo’ koombolutan GingKaras,” ka di Keewon pinopoilo.

Suai mantad dilo’, mininsingumbal nogi yau id kaganaan pongindopuan kogoogonopan pomolumis maya’ pungaran dau sondiri miagal do ‘Keewonlashes’ i padagangon dau maya’ do Instagram, ‘Keewonshop’.

Sumandak i oturobpus moboros id Boros Dusun diti nga’ mininsingumbal nogi’ do popoinggayo bakat dau id kaganaan momikap miampai miampai minongukab do kelas mekap dau sondiri kumaa disaisai i orohian.

“Gisom baino’ diti nokopoindalan oku no do piipiro kelas mekap, sundung do orumpos id kelas diti amu’ ogumu’, nga’ ounsikou kopio sabab osonong raramit dilo’.

“Ponongkounsikohan ku au giigina kumaa toinsanan tutumanud i minonokodung doho om kalansanan do komimilaan i nopinsingilaan dilo’ kouhup diolo’ loolobi no id posodiaan do Ramai Kaamatan dumontol,” ka dau.

Kakal ogumu’ pinsingilaan

Selebriti i asaru alapon sumili Mcee diti pinopoilo nogi’ do kakal ogumu i maan dau pinsingilaai. Om asaru do poposili media sosial dau id Instagram sabaagi koiyonon do pogialan-alanan pomusarahan miampai di tongo’ tutumanud dau i babaino diti nokosigampot do lobi 87,000.

Id lokunan, okito naangayan dau id toguang rinibuan mio’ontong di maso balakun teater muzikal ‘Solungkoi: Jambatan Tamparuli’ i pinokitonan doid Auditorium Kompleks Koupisan Koubasanan om Kesenian Negara (JKKN) Pogun Sabah di toun nakatalib.

Wookon i nakaampai id pokiikitanan dilo’ kaampai no i selebriti media sosial mantad Australia, i Dane Kovacs (Orang Putih Kita), Jayfrejoe Japrin om i Sakinah Vs Ondu.

Poingkuro po bakat di Keewon id kaganaan suminding amu’ aanu olimon soira’ asaru alapon do momolihis id mogisusuai karaaramaian poonjuron do koporintaan toi poriwit.

Om dumontol diti, i Keewon om duo tambalut dau id GingKaras io’ Carls Evert dii Joe Japrin momolihis doid ababayan ‘A Celebration of Voices’ doid Dewan Resital UMS do ko 30tw Kotolu diti, mimpuun jaam ko 8 totuong.

Kalansanan tokou do kotilombus i Keewon kalantoi id nunu nopo kaganaan di ampayaton dau om toririmo nogi do osonong kawaawayaon doid koposion dau.

   
Email Print
   
 
 
E-browse