Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Aiso po luputan 10 monginsada sinazangan: ESSCom |  3,000 mogiigizon Kg. Piasau, kaanu kaganapan vaig mantad sistom siibo tana |  Duvo miobpinai vookon 11 di tinaan AADK |  PIBG Binsulok rayu Kementerian Pendidikan bina bangunan sekolah baharu |  Pembinaan bangunan baharu SMK Libaran beri kemudahan pembelajaran lebih selesa: Zakaria |  Akademik, sahsiah perlu diseimbangkan: Jaffari |  Kebakaran: Kerajaan kaji mekanisme ke arah rancang semula pembangunan kawasan kampung |  Dua pasangan adik beradik antara 11 suspek penagih dadah ditahan |  3,000 penduduk Piasau KB, bakal nikmati bekalan air dari sumber bawah tanah |  Anggota TUDM terpaksa lupakan hasrat berhari raya demi tugas |  Suami tikam isteri hingga mati kerana cemburu |  Nelayan Bajau Laut diculik di perairan Lahad Datu |  Ssamjeang Pizza makes dramatic debut in Sabah |  State govt aims 1,000 entrepreneurs by 2030 |  Setup business plan, entrepreneurs told | 
 Kadazan Dusun

Upalai sikulasip polinta Sabah kotimpuun baino

26th March, 2019

KOTA KINABALU: Upalai Sikulasip Polinta Pogun Sabah (BKNS) 2019 ukabon tumimpuun baino gisom 25 Vuhan Kaapat mikot, ka di Montili Balajalan om Inovasi Sabah Datuk Dr Yusof Yacob.

Kogompit dino, mokianu i Yusop susumikul mantad Sabah i nakaanu kapaasan tavasi om katanud kootulan di pinatantu mooi au momiumbat kosivatan montok koonuan sikulasip dino.

“Saviavi upalai BKNS kavasa todoon id lahan savat talian mazaa id www.biasiswa.sabah.gov.my om potitikid upalai mositi kivaa email sondii i kakal maapanau,” ka disido kuminaa magaganu abal id doiti di koniab.

Minoboos isido upalai sikulasip dino poukabon kumaa susumikul nokopupus Sijil Pelajaran M alaysia (SPM), Sijil Tinggi Persekolahan Malaysia (STPM) miampai susumikul id nazatan Sijil Tinggi Amaga Malaysia (STAM), Diploma om Matrikulasi.

“Kopotutan upalai montok SPM nopo nga 7A Id savat om STPM vagu Purata Nilai Gred Kumulatif (CGPA) 3.3 i naanu maimpai do insan no paganu panaasan.

“Montok kopotutan kapaasan id nazatan Matrikulasi om diploma vagu nopo nga CGPA 3.5 id savat om montok pinghudaan pongusapan, Nipon om Farmasi mositi nakaanu sokuukuang no kozo CGPA 3.8 id naaatan STPM/Diploma/ Matrikulasi om kapanaakan sikulasip id Institut Balajalan Takavas (IPT) kinoizonon no,” ka disido.

Minoboos isido kapanaakan sikulasip kumaa susumikul avasi nangangazan i nakaanu kapaasan 10A+ id suang SPM om CGPA 4.0 id suang STPM onuan kopoguhuanan montok koonuan sikulasip dino.

“Pinoiho zou kiginumu do 148 susumikul nakaanu 10A+ id savat id suang SPM om 61 susumikul nakaanu CGPA 4.0 id Sabah i pinahabus di kavavagu diti om humansan zou saviavi susumikul dino mongupalai montok koonuan sikulasip diti,” ka disido.

Minoboos i Dr Yusof susumikul kavasa monoodo upalai sikulasip dino sundung tu au po nakaanu do kapanaakan kumaa IPT tu komontilian disido monuhung mongupalai dino montok koonuan pinghudaan di kosudong om gunoon pomounan ontok timpu baino.

“Vookon pinghudaan di pinatantu nopo nga id suang boogizan Seni Bina, Kejuruteraan, Juruukur Bahan, Perhutanan, Komunikasi, Sains Alam Sekitar, Pengurusan Hartanah, Pentadbiran Perniagaan, Perakunan, Pergigian, Sains Komputer, Undang-Undang, Perubatan Veterinar, om Sains Bioteknologi,” ka disido.

Naamot dino, mamason isido mohoingon om susumikul mooi momihi pinghudaan di gunoon pomounan ontok timpu baino nung mimang mongoput balajalan kumaa nazatan diploma toi ko ijazah.

   
Email Print
   
 
 
E-browse