Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Aiso po luputan 10 monginsada sinazangan: ESSCom |  3,000 mogiigizon Kg. Piasau, kaanu kaganapan vaig mantad sistom siibo tana |  Duvo miobpinai vookon 11 di tinaan AADK |  PIBG Binsulok rayu Kementerian Pendidikan bina bangunan sekolah baharu |  Pembinaan bangunan baharu SMK Libaran beri kemudahan pembelajaran lebih selesa: Zakaria |  Akademik, sahsiah perlu diseimbangkan: Jaffari |  Kebakaran: Kerajaan kaji mekanisme ke arah rancang semula pembangunan kawasan kampung |  Dua pasangan adik beradik antara 11 suspek penagih dadah ditahan |  3,000 penduduk Piasau KB, bakal nikmati bekalan air dari sumber bawah tanah |  Anggota TUDM terpaksa lupakan hasrat berhari raya demi tugas |  Suami tikam isteri hingga mati kerana cemburu |  Nelayan Bajau Laut diculik di perairan Lahad Datu |  Ssamjeang Pizza makes dramatic debut in Sabah |  State govt aims 1,000 entrepreneurs by 2030 |  Setup business plan, entrepreneurs told | 
 Kadazan Dusun

Tun Juhar ounsikou nangangazan Politeknik

26th March, 2019

KOTA KINABALU: Yang Dipertua Negeri Sabah, Tun Datuk Juhari Mahiruddin pinopoihombus topiumanan ounsikou miampai nangangazan kahantazan Politeknik Kota Kinabalu (PPK) sabaagi iso insitusi papanau Teknikal om Pinghudaan Vokasional (TVET) id pogun diti).

Ka disido, koinsavatan kinavas kabaahan graduan PKK ontok toun 2018 ino nopo nga 95 piatus piagahon 93.5 piatus ontok toun 2017 pinopokito institusi dino nakahantoi popoimbuhai graduan kikabaahan takavas kopitanud miampai kogunaan pomounan timpu baino.

“Kounsikan kumaa nangangazan diti om humansan zou mooi politeknik tuutulus popoimbuhai pomitanan tuhun di holistic om dinamik montok mongintong angkab pogun id suang mogovit koinsavatan produktiviti miampai kotundaan ikonomi Malaysia.

“Kahantazan graduan Politeknik id suang boogizan pakalajaan di momoguno kabaahan takavas kopokito dioho kahantoi mogovit kopokionuan mogiigiozn ginumuan do kopohuzungan balajalan TVET kaanu papahabus pomitanan tuhun di kikualiti om kaanu monongkiahi id nazatan sompomogunan,” ka disido ontok pinopotunui do pason kopiondot Lamai Konvokesyen di ko 23 PKK id doiti, di kosuvab koniab.

Ka disido, institusi Politeknik om Kolej Komuniti papanau tonggungan kopoguhu om kitonggungan popotounda graduan ngaavi montok tumoguvang revolusi pomounan kaapat.

Ontok timpu di miaga, Tun Juhar nga monuu graduan montok do okon pointoguvang kumaa abaabazan mogium kalaja no nga nogi mongkimamaa montok dumadi ‘job creator’.

Ka disido, graduan mositi abaa id suang mogium kosivatan pakalajaan om nogi hivang popohuzung ikonomi.

“Humansan zou nogi graduan au oindamaan kikoulaho momihi pakalajaan, id sambahik dino kaanu monongkiahi om tomoimo mongkimamaa monoodo om kivaa hoogo kouangan di gunoon do boogizan tampat pakalajaan,” ka disido.

Id konvokesyan dino, Tun Juhar pinopotunui diploma miampai sijil kuminaa 348 graduan kaampai no gaa kahantazan balajalan om kokurikulum.

Nokotindapou nogi Huguan Potunud Koupisan Balajalan Politeknik om Kolej Komuniti Komontilian Balajalan Malaysia, Profesor Datuk Teknologis (Ts) dr Mohd. Ismail Abd. Aziz om Potunud PKK, Ts. Zainab Othman.

   
Email Print
   
 
 
E-browse