Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Commotion in Dewan Rakyat over election of Speaker, the words 'gelap' and 'bedak' |  Ferries and passenger boats in Sabah can operate at full capacity |  Feri om padau susumakai id Sabah pakavasaon do koumpasan di oponu |  JKDM Sabah nakapagaau dadah kihoogo RM1.15 lizong |  Taska mula dibuka di Sabah dengan ikuti SOP |  Eighth rehabilitated sun bear released into the wild |  Matta urges govt to extend loan moratorium for tourism industry, protect sectors |  AirAsia Hotel Bundle Deals offer up to 50 pct savings on city hotel stays |  Air Traffic Rights applications drops 74.3 pct in 1H20 |  Belum diputuskan |  Sabahan Bulldozer cipta nama di Australia |  Mogigiyon mokiinsian kopongundaran ralan om jambatan |  Belia dari 11 kampung Mukim Rosok Bangkahak gotong-royong baiki paip |  Inisiatif NGO bersama penduduk kampung baiki kerosakan akibat banjir |  Penduduk rayu jambatan rosak dibaiki | 
 Kadazan Dusun

Sabah mamalan lobi kogumu watas poopian waig watas

25th March, 2019

PENAMPANG: Komontirian Kopotundaan Komontirian Kopotundaan Infrastruktur Sabah mamaso id pamalanan montok monuridong watas poopian waig id potitikdi watas id pogun diti sabaagi karalano’ wagu do monoibau kobolingkahangan kokurian pangaba waig ontok timpu magadau.

Montiri dilo’ Datuk Peter Anthony minoboros konsep watas poopian waig i mamaso wonsoiyon dilo’ kapanampung kopomogunaan waig montok timpu tolu gisom apat wulan.

“Karalano mangaba waig maya’ watas poopian waig diti amu insan powonsoyo’ pogulu diti. Iti no karalano’ wagu om ponginsomokan montok timpu tanaru monoguang timpu magadau om okuri rasam i koubasanan do aantakan ontok wulan Koiso’ gisom wulan Kaapat.

“Watas poopian waig dilo’ (moniop) waig baang montok poopion do ponoguang timpu magadau,” ka disio kumaa magaganu habar katalib pinopoungkayut tutumanud ponongkusan Kapamaramaian Tadau Waig Sompomogunan 2019 nayatan Sabah do hiti, di konihab.

Naamot dilo’, nuhot kokomoi pomogunaan waig rahat sabaagi sumpili’ monoibau kobolingkahangan waig id Sabah, ka di Peter karalano’ nokomoi amu’ songkuro kosudong poindalanon sabab no do Sabah kakal haro tadon waig mantad baang om botung suai ko’ kos kopoyomian waig rahat i amahal.

Nga’, amu’ di Peter nadaan kopikikiraan karalano dilo’ maan gunoo nung pangaba waig mantad baang om botung id Sabah koingkuri id timpu dumontol.

Id kinoburuon di poinggompit, minoboros i Peter, soginumu’ onom mantad 14 loji waig id Sabah haro id gontob poindala nosusuhut bacaan gontob waig id loji nokomoi nokoingkuri gaagama madlasu om okurian rasam i potoguang do pogun dilo’ babaino’ diti.

Koonom-onom loji dilo’ poinsumpak id piipiro watas id Tawau om Semporna, ka disio.

Poingkuro po, ka di Peter, bacaan gontob waig id loji nokomoi kakal pointamong om bohogian dsiio minaganu piipiro laang kaampai no papaatod pangaba waig kumaa watas di noinraatan om popowonsoi kopomibitan tawan nung kotilombus do tongus alaus om okuri rasam.

“Nga’, montok timpu diti, kopomibitan tawan amu’ po nuru sabab haro rasam id piipiro tadau diti,” ka disio.-Bernama

   
Email Print