Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
57 never before published Dusun folk tales added to State Library |  Labuan Chimney Walking Trail kopongimbayat tutumombului |  JBA Labuan nokotoimo sakadai RM140.2 lizong |  RM217 lizong gunoon ponoodo projik kotundaan id Ranau |  Polis tahan dua lelaki tempatan, rampas dua laras senapang angin |  PGA akan dilengkapi Unit Tiger Platoon |  Program Career & Education Fair dedah rancang kerjaya |  Masalah rumah tidak terjual di Sabah tidak serius |  Michelin welcomes first flagship store for premium performance-oriented tyres |  Fabio to add more punch for Interior |  Police arrest two men, seize homemade airgun |  Marine police nab 24 illegals, thwarts fish bombing |  Tour boat drivers tested positive for meth |  New Grouper catches Chief Minister’s attention |  Ministry to tackle overhang property issue | 
 Kadazan Dusun

Polinta pokionuon maganu haang id koponguhanan kobohingkangan vaig

220319_front_b
Yusri (vanan) minokinongou kointahangan ahal vaig mantad di Asabri (gibang) okiti nogi i Osman (tanga).

22nd March, 2019

DI NAZRINI BADARUN

TAWAU: Mogiigizon mokianu do boogizan polinta maganu haang montok monguhan ahal kobohingkangan vaig hobi 10 toun i notoguvang piipio uvang mooi uhanon miampai pointantu.

Tumanud dioho okon kokomoi pulitik di mangan pogompito id sambahik dino kogunaan kopoguhu mogiigizon i mositi mamadadi kopoguhuanan sabaagi tanda tukuan kumaa kotundaan om kahantazan boogizan buuan polinta.

Ponikoon Uvang Rukun Tetangga (KRT) Bandar Sri Indah Fasa 1, Yusri Yumusa, 45, minoboos haang tavasi mositi onuon polinta id suang ahal diti mooi au nodii tuutulus koundosi mogiigizon id uvang nogompita.

“Izikoi 10 tadau no aiso vaig, kapatadan vaig nga au kouha do mogiigizon BSI id Fasa 1 kivaa hobi 800 hamin, au po kaampai fasa 2 om 3, soovon songkuo ginumu hamin om mogiigizon id doiti.

“Baino vagu ogumu hamin i tinoodo id doiho om kogunaan vaig aiso, mantad dino apatut ahal diti nga intangan do saviavi boogizan mooi aiso nodii projik pomuhominan id doiho gisom ahal vaig diti aanu monguhan,” ka disido.

Songuhun vagu hahansanon layat BSI, Gan Chee Chan, 45, minoboos kobohingkangan vaig id uvang pomuhominan dioho id suang koozuzuvo noindamaan om humansan aanu monguhan maimpai koponguhanan saviavi boogizan mantad pot oi timpu toniibo toi ko tanau.

“Kada do otihombus oindamaan ahaid aiso vaig, dati sungkad tukad kivaa lahan suvai mogium vaig, dati izioho kivaa paganakan di kaanu mogohos naamot i au noputuhan kaganapan vaig, nga i aiso, kobohingkang kozo do papanau koposizon,” ka disido.

Montok hahansanon mogiigizon Taman Perwira vagu, minoboos i Hasbi Selamat, noumbasanan no dioho koozuzuvo aiso kaganapan vaig om kotoguvang koponguangan vaig somok potitikid timpu.

“Noubas no izikoi koozuzuvo diti, nga nung kadampot 15 tadau aiso vaig, okoing nogi dati izikoi, saasabap no dino mokianu izikoi koupisan Vaig Tawau (JAT) hoohobi no kozo mooi hobi abaa monguhan kobohingkangan ahal vaig.

Nokotindapou nogi id pisamaanan dino Puu Dewan Koundangan Pogun (Adun) Balung, Datuk Osman Jamal om Injiniol Vaig Boogizan Tawau, Asabri Robensen id Koupisan Vaig Tawau.

Nakapanau nogi ontok dino kopotunuzan suat kuminaan hahansanon mogiigizon kuminaa di Osman montok monguhan ahal kaampai no projik vokok vaig id Gudang Empat, Cinta Mata i pinotood polinta.

   
Email Print
   
 
 
E-browse