Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

194 monginsada nokotimo sakadai 'Touch Point' kihoogo RM232,000

180119touch_point_1
Rozman (kaapat, gibang) Faizal (kotohu gibang) miampai monginsada om popobuu tuna i nokotoimo ‘Touch Point’, di kosuvab koniab.

18th January, 2019

Di JAINUDIN DJIMIN

LABUAN: Kiginumu 194 monginsada koubasanan om popobuu tuna nokotoimo sakadai ‘Touch Point’ Koupisan Ponginsadaan Labuan popoompit sakadai RM232,000.00 i naazu kopiondot Abaabazan Kopotunuzan Sakadai ‘Touch Poing’ om Abaabazan Engagement Monginsada 2019 id Dewan Mutiara, Koupisan Kalaja Pindahanan, id doiti, di kosuvab koniab.

Lamai kopotunuzan sakadai dino pinoimagon di Puu Parlimen Labuan, Datuk Rozman Isli.

Nokotindapou nogi, Potunud Koupisan Ponginsadaan Tana Pisompuuvan Labuan, Faizal Ibrahim Suhaili.

Nokosoguhu Rozman id suang pason kopomoiganan disido minoboos, kopotunuzan sakadai dino nopo nga sombogizan mantad sakadai kotundaan Komontilian Pomutanaman om Ontodonon Tanom i tinoodo ontok toun 2018 popoompit tohu projik ino nopo nga Projik Sakadai Tinimungan Monginsada (Touch Point), Projik Kotundaan Tuna (Monginsada Jongkong) om Projik Kotundaan Produk Ontodonon Tuna.

Nokotindapou nogi, Potunud Koupisan Ponginsadaan Tana Pisompuuvan Labuan, Faizal Ibrahim Suhaili.

Nokosoguhu Rozman id suang pason kopomoiganan minoboos, kopotunuzan sakadai dino nopo nga sombogizan mantad sakadai kotundaan Komontilian Pomutanaman om Ontodonon Tanom i tinoodo ontok toun 2018 popoompit tohu projik ino nopo nga Projik Kotundaan Tinimungan Monginsada (Touch Point), Projik Kotundaan Tuna (Monginsada Jongkong) om Projik Kotundaan Produk Kinontodonon Tuna.

Suvai mantad dino ka disido, poompus 2008 gisom 2018 Koupisan Ponginsadaan Labuan minonoodo 12 projik Tukun Tiruan om Payou Tuna popoompit balanja RM2,232 lizong.

“Koupisan Ponginsadaan Labuan nga ontok toun nakatahib (2018) minonoodo 20 unit tukun noomitanan kavo Kubot Rekreasi om 5 tukun nomitanan kavo Koboit Batu Karang i pinaabu id uvang mintingisan daat Sungai Miri,” ka disido.

Rozman i nogi Ponikoon Puu Kounsol Monontuduk Perbadanan Labuan minoboos, montok timpu di miaga Koupisan Ponginsadaan nakahantoi pinopoinsavat asil ponginsadaan tuna mantad 204.25 metrik tan ontok toun 2017 kumaa 490.80 metrik tan ontok toun nakatahib.

Otumbazaan i Rozman miampai pongkimamaan di tinoodo id lahan potihombus do Koupisan Ponginsadaan hoohobi no projik kotundaan produk kinontodonon tuna kaanu momouang popoinsavat vagu ponindahan sada tuna id Labuan.

Id lamai dino, kiginumu 21 monginsada i nogi Huguan Jaringan Ponginsadaan (KPJ) nokotoimo sakadai kousinan kiginumu RM1,000, montok 62 vagu monginsada nokotoimo koumatan do jaket koumohigan om tuung insulasi om koumatan pomisok tapui.

Naamot dino, 100 monginsada nokotoimo koumatan sumbu kapamanaan, pukot miampai kantung waterproof kaampai no 10 tuhun monoimo koumatan dawai mato punai.

Nokotoimo nogi sakadai popobuu Burger Tuna, Dr Ramili Tahir kihoogo RM21,000 om popobuu Ikan Tepung (Tampura) Yusri Kadir kihoogo RM15,000.

   
Email Print
   
 
 
E-browse