Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
SAPP wants public clarification on new electoral boundaries date |  Champs rest key players for final League match |  Man contracts JE disease in Sabah |  Unlock Art: Le Meridien chooses UCSF to celebrate Sabah’s unique cultures |  Koumohigan ahal di tavagat id Sabah, mositi intangan kozo |  Kusai, 21, noohian toluo JE id Sabah |  AirAsia to pay RM40.73 mln to MA Sepang |  AirAsia seeks partnerships, not rivalry – Tony Fernandes |  FPSK UMS serah semula Blok Klinikal HQE |  'Sanzac Fun Run' rai sambutan jubli emas SMK Sanzac |  Snek pisang Hafiszuddin semakin berkembang di Sabah |  APMM serius tangani pencerobohan bot nelayan asing masuk perairan Sabah |  Wanita miliki produk tidak berdaftar KKM didenda RM5,000 |  Suami isteri dihadap ke mahkamah tuduhan tipu lelaki |  Tiga lelaki mengaku tidak bersalah tuduhan merogol | 
 Leisure

Hopod toun natagak, Laura Perimus Toyan nokoimbulai kawagu

17th January, 2019

Di RAPHIEL PINUS

SINDING koposusui piupusan roitan do ‘Lihuai Nopo’ mantad di artis Laura Perimus Toyan, nosili posuau-suau dau kumaa mokikinongou talib lobi 10 toun natagak mantad kaganaan momolihis id Sabah.

Sinupu’ sondiri’ di Laura, tuunion pinongompot sinding dilo’ nulud do FH Production. Sundung do aiso’ pisowitan mitilombus kumaa nawaawaya’an dau sondiri, nga’ ka di Laura susuyan id sinding dau dilo’ osomok id ginawo do kogumuan.

“Minaan ku nopo purimono’ do yoho’ sondiri’ nakawaya’ dilo’ mooi do kaanu oku momuginawo kopio soira’ mogowit sinding dilo’,” ka dau.

Pinointalang di Laura do sinding dilo’, iso’ nawaya’an kapakaus nanu dau mantad di nawawayaan do koombolutan om nogi’ i naantakan id posoosorili’.

“Ontok minonurat roiton sinding diti, nanu ku nogi’ i susuyan nabasa’ ku id novel piupusan, drama om filem.

“Sinding kokomoi do kokousan i mositi’ do pokitonan id tikid roiton,” ka di Laura.

I Laura i babaino’ diti poingkaraja’ sabaagi songulun karani id songinan sikul doid Telupid, pinopoilo nogi’ do i nopo kounsub om ogumu’ sokodung kumaa dau nga’ i sinowoon om paganakan dau.

“Soira’ nopongo sinding diti, i sinowoon ku monongkorohian do korongou.

“Ounsikou oku sabab karati yau di korohian ku om komilo nogi’ kopio do monorisid di tikid-tikid roiton id sinding.

“Haro do somoonu’ i kikopomusarahan do soira’ tokou mogowit sinding kapakaus, komoyon no do mamaso id piupusan toi id kokousan.

“Nga’ otopot nopo, amu’ kohunung pomusarahan miagal dilo’. Ogumu’ ralan tokou do momonsoi roiton om okon ko’ i no nawaya’an tokou sondiri’.

“I sinowoon ku nopo nga’ karati kopio sabab yau nga’ songulun monsusupu’ sinding id album kumoiso’ ku,” ka dau do minongirak.

Suai ko ilo’, monongkounsikou nogi’ kopio o Laura kumaa toinsanan i nakaampai id kinapamansaian sinding dau dilo’ gisom kinopongoon.

“Sinowoon om paganakan i minanahak sokodung om nogi’ FH Production i pinapatahak do tonggungan takawas mantad timpuunon gisom kinopongoon sinding diti.

“I Freddy Harmthon i po nogi’ sanganu do studio diti nga’ toririmo manahak ponontudukan di maso moniip do rolou.

“Ogumu’ o nopinsingilaan ku mantad di Freddy i kikoundaran montok doho’,” ka di Laura i pinopoilo do yau nopo nga’ amu’ opikuukua’an sundung pia mihulit-hulit do moniip rolou montok toisoiso’ sinding montok no do asil di koposontob ginawo.

“Kalansananku, sinding diti kaanu raramit mantad toinsanan om magangat oku ngaawi’ do monokodung pinggisoman artis nokoiyonon Sabah miampai momoli album di originol,” ka dau.

Orongou sinding dilo’ id Youtube, https://www.youtube.com/watch?v=KPDMVQvYIDM.

   
Email Print
   
 
 
E-browse