Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
SAPP wants public clarification on new electoral boundaries date |  Champs rest key players for final League match |  Man contracts JE disease in Sabah |  Unlock Art: Le Meridien chooses UCSF to celebrate Sabah’s unique cultures |  Koumohigan ahal di tavagat id Sabah, mositi intangan kozo |  Kusai, 21, noohian toluo JE id Sabah |  AirAsia to pay RM40.73 mln to MA Sepang |  AirAsia seeks partnerships, not rivalry – Tony Fernandes |  FPSK UMS serah semula Blok Klinikal HQE |  'Sanzac Fun Run' rai sambutan jubli emas SMK Sanzac |  Snek pisang Hafiszuddin semakin berkembang di Sabah |  APMM serius tangani pencerobohan bot nelayan asing masuk perairan Sabah |  Wanita miliki produk tidak berdaftar KKM didenda RM5,000 |  Suami isteri dihadap ke mahkamah tuduhan tipu lelaki |  Tiga lelaki mengaku tidak bersalah tuduhan merogol | 
 Kadazan Dusun

YAM mongukab 'Dapur Rakyat' montok munggui kotutudan Kampung Karakit

17th January, 2019

KOTA KINABALU: Yayasan Amal Malaysia (YAM) mongukab ‘ Dapur Rakyat’ montok munggui kotutudan id Kampung Karakit Pulau Banggi, Kudat.

Kosianan YAM kopoimbuhai Dapur Rakyat dino montok monguhan kotoinaan koponoinaan taakanon kumaa munggui miampai sukarelawan i kotindapou om papatazad dino kumaa hongkod poundohian naamot id Sinasavat Poingukab Karakit Pulau Banggi.

Huguan Kalaja Kotuhungan YAM Hamran Jawan minoboos balanja kalaja nopo nga tonggungon poimponu dino do yayasan asil sakadai tuhun ginumuan.

Ka disido Dapur Rakyat dino noukab ontok tadau koduvo kahapas kotutudan nantakan om noukab kihinaid do tuu tadau, tumanud kogunaan babaino.

“Kiginumu onom sukarelawan nokogompit id suang kotoinaan koponoinaan Dapur Rakyat diti. Mongkimamaa izikoi popotounda taakanon doungadau om makan totuvong montok 200 tuhun,” ka disido kuminaa Bernama id doiti, di koniab.

Di Tadau Minggu nakatahib, kiginumu 81 hamin om duvo kuarters mongingia id Kampung Karakit novuvu notutudan nontodonon 313 tuhun pinopoompit 77 paganakan natagakan izonon.

Tumanud disido yayasan dino mikot om mindau kumaa tampat kinantakan montok manaak sakadai kumaa munggui i kogumuan dioho baino maamaso potindoozon id hongkod poundohian naamot.

“Nokotindapou izikoi minogovit do balang ngaavi kogunaan miaga do bulus nipon, tubat pombulus nipon, tapin pitataam om kogunaan koonduan om patazadon kumaa munggui nogompitan.

“Tootopot nopo ino au kouha, nga humansan izikoi ino kaanu monguang tonggungan munggui,” ka disido.

Minoboos i Hamran misokodung om YAM miampai Tinimungan Koumohigan Ginumuan Malaysia id suang popotounda om momiangkat balang ngaavi kogunaan mantad Kudat kumaa Pulau Banggi montok kogunaan munggui. Minoboos isido nuununu pongudizaan kogompit sakadai kavasa tumuubung id talian 011-18950355. Bernama

   
Email Print
   
 
 
E-browse