Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Man gets 25 years’ jail, 15 lashes for raping daughter, 12 |  Safa using SAGA to hunt for hidden talents |  Crucial tie for Tambadau |  PHKS targets RM400,000 at annual fundraising Charity Bazaar |  Gear up for Malaysia Autoshow 2019 in Sabah |  KUD Zon Sabah kosiwatan kumaa mongungusaha labus kakadayan |  Kusai nopujulan kiniopon kikotumbazaan duminuso sondii |  Sada ginakom momoguno bom nagamu id Pasar Safma |  3,000 jobs up for grabs at 2nd Sabah Career Roadshow |  Wuyi University students,lecturers arrive in Sabah to attend UMS training course |  Gravity water system for Kg Bokilong residents |  Matrade eyes higher halal exports to Japan |  Oldtown White Coffee set to expand into petrol retail |  Kementerian Undang-undang dan Hal Ehwal Anak Negeri ditubuh penuhi janji kepada rakyat |  28 kapal layar antarabangsa berlabuh di Lahad Datu | 
 Kadazan Dusun

Sabah popogiot panamangan pivohitan pogun modihin koohian toluo rabies

170119-lead-2b
Dr Daud minokigambal kaandaman miampai puu Koupisan Kotoinaan Veterinar Keningau di kahapas abaabazan dino.

17th January, 2019

PENSIANGAN: Popogiot o Sabah panamangan id vavazaan pivohitan hoohobi no kozo id uvang poinsomok miampai pogun sungkad tukad miaga Nabawan, Sipitang, Tawau om Kalabakan montok modihin koohian toluo rabies kumaa pogun diti.

Panakadai Montili Pomutanaman om Pomounan Taakanon Sabah Dr Daud Yusof minoboos polinta pogun nga papabaa pongkimamaan monoodo ponungkitan vaksinasi montok tasu id uvang mivohit pogun sungkad tukad.

“Toun nakatahib, pinotigog tokou miampai munggui koiso toluo rabies id Kuching, Sarawak. Toluo diti noihaan mantad Tebedu Kalimantan (Indonesia).

“Tebedu nopo nga lahan kopoguhu layat Sarawak montok kumaa id doiho i piahatan dino 63.2 kilometer,” ka disido ontok nasamanan magaganu abal kahapas tuminindapou Abaabazan Vaksinasi Rabies naazu Koupisan Kotoinaan Veterinar Sabah Wilayah Keningau id Pagalungan, somok doiti, di koniab.

Kiginumu 500 tinan tasu kivaa id kampung poinsomok mivohit pogun sungkad tukad miaga do Kampung Bantul, Pagalungan gisom kumaa lolokiton Salung noonuan totobok vaksinasi tuminimpuun Tadau Koduvo om opupusan baino.

Minoboos i Dr Daud abaabazan sungkit vaksinasi dino kiangkab modihin tasu di kivaa id pogun diti oohian toluo dino, suvai ko haang miingat-ingat sundung tu Sabah nokoinsodu mantad toluo rabies mantad po 2004.

Mongunsub nogi isido agensi kogompit hoohobi no kozo Koupisan Kotoinaan Veterinar pogun Sabah mooi tomoimo popoinsavat kotoundaan om popogiot pongintangan id saviavi vavazaan sumuang pogun diti.

Saviavi tasu di noovit sumuang kumaa Sabah mositi mazaa kalaja kuarantin poguhui poimongonon atampasi mantad nuununu toluo noovit, ka disido.

“Mogiigizon nga mositi mamalati om tumanud undang-undang di kivaa no haid. Tazam mantad dahabus pogun mositi mazaa pomolisaan hobi kopoguhu poguhui oviton sumuang montok gompizon,” ka disido. Bernama

   
Email Print
   
 
 
E-browse