Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
57 never before published Dusun folk tales added to State Library |  Labuan Chimney Walking Trail kopongimbayat tutumombului |  JBA Labuan nokotoimo sakadai RM140.2 lizong |  RM217 lizong gunoon ponoodo projik kotundaan id Ranau |  Polis tahan dua lelaki tempatan, rampas dua laras senapang angin |  PGA akan dilengkapi Unit Tiger Platoon |  Program Career & Education Fair dedah rancang kerjaya |  Masalah rumah tidak terjual di Sabah tidak serius |  Michelin welcomes first flagship store for premium performance-oriented tyres |  Fabio to add more punch for Interior |  Police arrest two men, seize homemade airgun |  Marine police nab 24 illegals, thwarts fish bombing |  Tour boat drivers tested positive for meth |  New Grouper catches Chief Minister’s attention |  Ministry to tackle overhang property issue | 
 Kadazan Dusun

Mogiigizon Kampung Tinusa 1 mokinsian HM do izonon

16th January, 2019

SANDAKAN: Mogiigizon Kampung Tinusa 1 id doiti, mokinsian kumaa Vozoon Montili Sabah Datuk Seri Mohd Shafie Apdal mooi monuhung dioho maganu tampat izonon sumusuut ponuuan kuut montok momoduang uvang kiginazo kuang hobi 2.07 hektar i noizanan dioho mantad po hobi 30 toun.

Ponikoon Koisaan Kotundunan Generasi Endrekang Sabah Erwin @ Batilis Jaraman minoboos mogiigizon kampung dino, i popoompit 23 paganakan, tumanud miampai ponuuan kuut montok momoduan uvang dino, nga mokianu timpu montok mogium tampat izonon.

“Mantad po di poguhui, mogiigizon kampung au koodop miampai pointantu tu momusoou id nombo mogium izonon songian ahaid no poingizon id kampung diti (Kampung Tinusa 1),” ka disido.

Minoboos isido dino ontok nasamanan magaganu abal id doiti kahapas minongkiboos miampai hahansanon kuut i nokoikot id kampung dino miampai iso tinimungan pulis, Koupisan Vaig Sabah om Sabah Electricity Sdn Bhd montok monoodo ponuuan kuut dino di koniab.

Minoboos i Erwin, boogizan disido miampai piipio mogiigizon kampung i nogi puu kooisaan dino, humansan onuan izioho kosivatan montok sumoomo miampai Vozoon Montili Sabah montok popohombus kobohingkangan mogiigizon kampung dino.

“Hahansanon kuut om hahansanon luyal maganu tana kampung dino nakaakun montok au moguzazang mogiigizon kampung baino diti, nga popoimagon ponuuan kuut dino do soosongian nopo timpu mikot.

“Saasabap no dino, izikoi mositi maganu haang tosikap montok monuhung mogium tampat montok popoundahiu mogiigizon kampung,” ka disido.

Pinopoiho nogi i Erwin sumusuut pitimungan mogiigizon kampung dino ontok di ko 7 Vuhan Koiso nakatahib montok mongupalai polinta manaak ningkokoton han dioho kumaa tana dino, minanaak o polinta sisimba tavasi om monoizuk kobohingkangan mogiigizon kampung dino.

Mogiigizon kampung dino minamadawa nantakan piagahan kosingonuan kumaa tanak kampung dino, i nadawa dioho tana dino kikointutunan anak negeri (NT), montok boogizan maganu tana dino kivaa geran kikointutunan nigitan pinoduduk (CL).

Nga, kahapas impiipio mokinsian id kuut, kotontuan kuut minogobi kumaa maganu tana dino. Bernama

   
Email Print
   
 
 
E-browse