Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Man gets 25 years’ jail, 15 lashes for raping daughter, 12 |  Safa using SAGA to hunt for hidden talents |  Crucial tie for Tambadau |  PHKS targets RM400,000 at annual fundraising Charity Bazaar |  Gear up for Malaysia Autoshow 2019 in Sabah |  KUD Zon Sabah kosiwatan kumaa mongungusaha labus kakadayan |  Kusai nopujulan kiniopon kikotumbazaan duminuso sondii |  Sada ginakom momoguno bom nagamu id Pasar Safma |  3,000 jobs up for grabs at 2nd Sabah Career Roadshow |  Wuyi University students,lecturers arrive in Sabah to attend UMS training course |  Gravity water system for Kg Bokilong residents |  Matrade eyes higher halal exports to Japan |  Oldtown White Coffee set to expand into petrol retail |  Kementerian Undang-undang dan Hal Ehwal Anak Negeri ditubuh penuhi janji kepada rakyat |  28 kapal layar antarabangsa berlabuh di Lahad Datu | 
 Leisure

Sinding loyuk disco dangdut, kaawagu mantad di Ruth Gidion

15th January, 2019

POSUSUHUT do sinding alambayad, Raha Ginawoku, babaino’ diti i Ruth Gidion minimbulai kawagu miampai iso’ sinding id loyuk disco dangdut i roitan do Siou.

Pinointalang di Ruth do, i nopo timpuunon ii’ nga’ sinding dilo’ kiloyuk do balada om nopongo pogulu sinding Raha Ginawoku.

Poingkuro po ka dau, mantad no do pomusarahan poposolimbou FH Production, nookunan dau do minongolon o loyuk dilo’ id disco dangdut kaagal-agal di loyuk kororohian mantad pomogunan Indonesia.

“Ounsikou om osontob ginawoku di kinootuson do sindingku dilo’,” ka di Ruth i pinopoilo do alaid minomongo minoniip sinding dilo’ sabab asansagan yau do mihuuhulit suminding.

“Okunan ku do osusa, suminding do loyuk disco dangdut diti momoguno kopomoloyongan di sopisuai ko’ mantad loyuk balada,” ka dau.

“Monongkounsikou oku kumaa di Freddy Harmthon i toririmo manahak ponontudukan kumaa doho’ suai ko’ minomonsoi do tuunion pinongompot sinding dilo’ gisom kinopongohon,” ka di Ruth kawagu.

Ka dau, sinding dilo’ nakaatod no doid stisin rodiu nokoiyoon om mamaso mindad kopolulusan.

Lumansan nogi’ yau do sinding dilo’ kaanu raramit tosonong mantad tongorohian sinding-sinding kinoiyonon id Sabah sundung do loyuk miagal dilo’ okon ko’ doun noubasanan kumaa diolo’.

Nokosuang nogi’ o sinding dilo’ doid montok kopointutunan maya’ Youtube, toipon nopo ‘Siou- Ruth Gidion’ do mogihum.

Karait do susuyan id sinding dilo’, ka di Ruth ilo’ nopo nga’ kokomoi do tupus di au’ ginatang gisom nokoowit do pitongkiadan.-LP

   
Email Print
   
 
 
E-browse