|
15th January, 2019
SINDING koduo di Benno Benedict roitan do ‘Kereta Kombet’ okon nopo ko’ montok do pomolihis nga’ kisuang do pason tosonong montok di toinsanan i korongou.
Ka dau, sinding id loyuk sumazau dilo’ i sinupu’ dau sondiri’ kisuang pason do pogipapantangan om kounsikohan ginawo di nunu nopo i haro.
“Sundung sosongulun dilo’ aiso’ o nunu-nunu nga’ okon ko’ maan irak-irakai sabab yolo’ nga’ haro ginawo om kopurimanan,” ka dau.
Tumanud di Benno, sinding dau dilo’ nulud do FH Production i po nogi’ komponi pinongutipan.
Wookon nopo do susuian id sinding dilo’ nga’, amu’ yau oikuman sundung pasanganu no do korita’ laid tu’ kakal i do aanu gunoon.
Suai mantad dilo’, amu’ nuru’ do tumongob sabab aiso’ bayaran tikid wulan om paganakan loolobi no i koruhang dau nga’ kotorimo do koyuon diolo’ sampaganakan.
Poingkuro po ka di Benno, koinsanai susuyan id sinding dilo’ winonsoi-wonsoi nopo tomod om aiso’ pisowitan do koposion dau kopio.
Sinding dilo’ do babaino’ diti opiroorongou no doid stisin rodiu nokoiyonon kaampai no Kupi Kupi FM om nogi’ Sabah VFM (RTM).
Pogulu diti, nokoponiip no i Benno do sinding kumoiso’ dau i roitan do Piginawaan To.
|
