Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

Kotundunan layat nadadi pongintangan polinta

15th January, 2019

TENOM: Polinta Pogun Sabah manaak pongintangan kumaa boogizan mongingaan tonggungan om mongintong layat kaanu sandad tangangazan di potihombus.

Kumoduvo Vozoon Montili Sabah Datuk Wilfred Madius Tangau minoboos montok mongintong ino kahantoi, polinta pogun papanau saviavi injin di kivaa om misokodung miampai komontilian om agensi polinta pogun di kivaa.

Ka disido id suang timpu tuu vuhan kahapas Pomihian Tagazo Ko-14 (PRU14), polinta pogun kavavagu pinapahaang mantad boogizan poguhudan i mositi todoon om ogumu timpu pinoobi id suang ahal diti.

“Iti kaampai no papantod injin, vookon dino popoompit ahal ngaavi kopomihian tinimungan kavavagu kaampai no id komontilian om agensi polinta pogun,” ka disido kuminaa Bernama kahapas Lamai Hamin Poingukab Krismas Koisaan Pasok Momogun Kadazandusun om Murut Bersatu (UPKO) id doiti, songkoniab.

Wilfred Madius i nogi Montili Pidagangan om Pomounan Sabah minoboos id komontilian dino pongintangan pataakon id suang poguhudan kopopuvan suang om habus pogun.

Ka disido id suang mongunsub kopopuvan suang pogun om habus, pointantu no do ponginaman kogompit miampai pakalajaan mantad po toi kinoizonon toi dahabus mositi uhanon.

Tumanud disido id boogizan pomounan kogunaan pakalajaan mantad po toi kinoizonon toi dahabus ino kiguno, nga ponginaman di nantakan nopo nga polinta kumaa miampai mogisusuvai totondos om kahasaan milati mantad boogizan nakatantu.

Minoboos isido komontilian disido nga maamaso id suang pongkimamaan id lahan saviavi montok monimung data kaampai no data pomounan miampai kogompit pakalajaan. Bernama

   
Email Print
   
 
 
E-browse