Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Dabra Sia magangat tambalut artis mamalan ababayan kotundunan |  Sabah mangatag kategori lahan kotombuhuzan habus kakadazan tuidongon |  Lelaki warga asing ditahan, dadah dirampas |  Wisma Kastam Labuan berwajah baharu |  Program Libat Urus Terbuka harus dimanfaat: Ab Rashid |  Foreigner with crystal meth nabbed |  ‘Sabah’s diverse society remains a vital ingredient’ |  FCAS ready to build Wisma Zhong Hua if there is land |  Outstation express bus services kick off operations at KK Sentral |  To dam or not to dam |  SM Lok Yuk shuttlers rule |  108 extreme athletes participate in tournament |  Labuan fans treated to MMA action |  Open opportunity to discuss tennis development |  Non-performing loans to rise 98 pct | 
 Kadazan Dusun

Sabah amu’ popoinsawat gatang waig

11th January, 2019

KOTA BELUD: Sabah amu’ popoinsawat do gatang waig, sabalik dino manahak koposuulan montok papatantu’ lobi kogumu’ kampung karamit kapangabaan waig noubatan.

Kohondot dilo’ i Boyoon Montiri Sabah Datuk Seri Mohd Shafie Apdal minoboros piipiro laang minaan onuo’ kaampai no pinopowonsoi koponguludan id Kupisan Waig Pogun Sabah.

“Koupisan diti manahak koposuulan montok monorina’ kapangabaan waig noubatan. Aiso’ guno do popoingkawas gatang waig nung kakal po ogumu’ kampung amu’ nakaramit pangaba’ waig noubatan.

Osuul papatantu’ pinggisoman diti aanu tokou do popowonsoi. Otumbayaan oku do maya’ no kotorinaan tosonong kaampai mongilag kalawason om papatantu’ mooi do kobolingkahangan koowit katagakon tadon waig aanu monoibau,” ka disio kumaa magaganu habar katalib tuminindapou id ramai Krismas om Toun Wagu 2019 Lintuhun Koundangan Pogun Kadamaian id Kampung Taginambur doros hiti, di konihab.

Minoboros isio dilo’ soira’ pinokianu mongomi kootusan piipiro pogun pinopoingkawas gatang waig.

Ka di Mohd Shafie koponguludan om koponorinaan tosonong id Koupisan Waig Pogun Sabah dilo’ kopongingkawas asil intodonon nindopuan koupisan nokomoi.

Ka disio koporintaan pogun nga’ papatantu’ nogi pangaba’ waig noubatan id pogun diti korungod miampai mongingkawas kogoogonopan id loji waig do papatantu’ pangaba’ waig kooput doid kampung i amu’ po nakaramit dilo’.

Kokomoi koponginsanangan talun-alun id pogun diti, ka di Mohd Shafie nosuhu no disio Koupisan Karaja’ Tagayo (JKR) pogun do monorisid karaja’ koponginsonongan talun-alun i asaru do araag.

Ka disio kobolingkahangan diti nokoinaru om kinaraagon talun-alun diti kosili po nogi’ intodonon koligaganan ralan.

“Poimpahan om kooturan id sunduk koundangan gunoon montok papatantu’ talun-alun kiluang om oompinan atahan alaid, okon ko’ araag kawagu id timpu sombulan gisom tolu wulan,” ka disio.

Tumanud disio koporintaan pogun nga’ mintong nogi nung karaja’ koponginsonongan talun-alun aanu do JKR popowonsoi sondiri’, piiradon di babaino’ diti i poindalanon do komponi.

“Koilo tokou do ginaras JKR kigontob sabab dilo’ pokionuon tokou JKR momonsoi ponorisidan mooi do koponginsonongan talun-alun diti aanu do mongingkawas,” ka disio.

Minoboros isio do koporintaan pogun papabalanja’ hinotusan riong ringgit montok karaja’ koponginsonongan talun-alun id pogun diti.-Bernama

   
Email Print
   
 
 
E-browse