Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
57 never before published Dusun folk tales added to State Library |  Labuan Chimney Walking Trail kopongimbayat tutumombului |  JBA Labuan nokotoimo sakadai RM140.2 lizong |  RM217 lizong gunoon ponoodo projik kotundaan id Ranau |  Polis tahan dua lelaki tempatan, rampas dua laras senapang angin |  PGA akan dilengkapi Unit Tiger Platoon |  Program Career & Education Fair dedah rancang kerjaya |  Masalah rumah tidak terjual di Sabah tidak serius |  Michelin welcomes first flagship store for premium performance-oriented tyres |  Fabio to add more punch for Interior |  Police arrest two men, seize homemade airgun |  Marine police nab 24 illegals, thwarts fish bombing |  Tour boat drivers tested positive for meth |  New Grouper catches Chief Minister’s attention |  Ministry to tackle overhang property issue | 
 Leisure

Albert Sibun kakaus au sinulian tupus

8th January, 2019

Di RAPHIEL PINUS

MANAPAP longon sampaping. Koyuon i pinosusui artis tokou diti baino’ i Albert Sibun hinombo do tupus dau amu’ tinorimo di songulun tondu’ korohian dau.

Sundung koilo o tondu dilo’ di tupus dau nga’ amu’ asaga’ sumuli’.

“Isai gia amu’ kakaus soira’ amu’ torimoon sabaagi koupusan… soira’ kopiruba’ kumowili id suai.

“Moboros nga’ ula ula’ nopo,” ka di Albert Sibun i pinopoilo do tondu’ diri nokoumbal pinakaus pogulu diti di koupusan dau om kakal do kosorou di koupusan laid dau.

“Otopot nopo, yoho’ diti monguru oku nodi kokousan dau miampai papatahak tupus ouli’ om kounsikohan sogigisom,” ka dau.

Ilo’ no susuyan id sinding roitan do ‘Torimoo Oku Diya’ mantad artis kinosusuon Kiulu Baru, Beaufort diti i sinding dilo’ do babaino’ nakaanu raramit tosonong mantad tongorohian sinding-sinding nokoyonon.

Poingkuro po ka di Albert, susuyan di pinosusui dau maya’ do roiton sinding dilo’ mantad nopo do pinomusarahan tomood om okon ko’ nawaya’an dau sondiri’.

“Minomonsoi oku no do roiton i opurimanan ku do koimbayat kororohian mokikinongou,” ka dau kokomoi do sinding loyuk balada dilo’ i naparangahan no kumaa ginumuan pointonod podi wulan Kosiam toun di nakatalib.

Sinding dilo’ nga’ poinsuang nogi’ id album piniomungan Sinding Saliguor Nabalu Vol.1 pinalabus do FH Production. Kokomoi do album i nosompuru dau dilo’, ka di Albert gisom baino’ kakal ogumu’ i mokianu dilo’.

“Miagal tambalut ku di suai, yoho’ nga’ papadagang sondiri’ do album dilo’ sabab suai ko’ lobi kasanang, kaanu monongkiruba’ di tongo’ momomoli,” ka dau i pinopoilo do haro po poingopi’ dau piipiro unit album dilo’.

Tumanud dau kopointutunan sinding dilo’ poinsuang doid facebook pinotomod FH Production, https://www.facebook.com/FHProductionstudio/videos/332955940499225/.

Suai ko ilo’, naparangahan nogi’ sinding dilo’ id stisin rodiu nokoiyonon miagal do Kupi Kupi FM, Sabah VFM om nogi’ Keningau FM.

   
Email Print
   
 
 
E-browse