Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
UMS nosili univositi kumoiso id Malaysia minonuridong C4D |  152 i kitoluo nokotoimo usin raya id hamin pongusapan |  Atag manaak pambalazan kumaa mongingia mongoput balajalan |  Dua pemancing berpaut pada tong kosong selama dua jam di laut |  77 pelajar Pascasiswazah UMS terima bantuan pengajian |  UMS universiti pertama di M'sia tubuh C4D |  Tun M: Rajin, amanah, berdisiplin perlu jadi budaya untuk berjaya |  S P Setia to launch RM6.47 bln projects |  Sharp, Eduspec to equip schools with smarter tools |  Celebrity chef encourages fans to donate to Rumah Bakti Harapan |  First international challenge for cyclists |  Duo to make debut |  100 Christian students for Christian leadership camp |  No Special Branch officers ban at press conferences – CM |  More than 9,000 prohibited products seized | 
 Kadazan Dusun

316 KPI nokoimagon monuku nangangazan kapanadaan ikoton polinta

7th December, 2018

KOTA KINABALU: Vozoon Montili Sabah Datuk Seri Mohd Shafie Apdal di koniab pinopoimagon 316 Ponontudukan Nangangazan Kopoguhu (KPI) montok 12 komontilian polinta pogun sabaagi indicator nangangazan pogun id suang dumampot ikoton di pinatantu id suang timpu himo toun mikot.

KPI i popoompit 10 Boogizan Kapanaak Asil Pogun dino minoguhud ikoton saviavi komontilian, koupisan om agensi kaampai no buuan id suang polinta, mongingit kopovihian om pakalaja polinta mooi abaabazan ngaavi di nouhud tootopot katanud kogunaan om kopokionuan layat.

Opod Boogizan Kapanaak Asil Pogun i kiningkokoton takavas om kaanu popouhuan kobuuon om kotoonongon layat Sabah ino nopo nga jominan hak om kopotutan layat, koumohigan, pihumaagan om sinuau layat, kotundaan kouhanan om infrastruktur, kosingonuan tana om balajalan, inovasi, kotundaan komuhakan om sipoot.

Himo vagu Boogizan Kapanaak Asil Pogun nopo nga kopoinsavatan kualiti kohidasan ginumuan om sinuau layat, kotombuhuzan, panamangan om pongumohigan sandad posoihi, kotundaan ikonomi om sosioekonomi posoihi, tungkus, agama, kotumbazaan etnik om institusi paganakan, om kopoinsavatan tangangazan kotoinaan polinta.

Minoboos kuminaa magaganu abal kahapas lamai kopomoiganan KPI i notindapou 1,200 pakalaja polinta pogun om hongkod id doiti, minoboos i Mohd Shafie miampai kivaa KPI dino polinta kaanu mongintong songkuo sinodu nangangazan ikoton polinta pogun om songkuo sinodu ino nogi kopitanud miampai kopokionuan layat i tutuuvan kotoinaan di tavasi.

“Miampai dino, haang diti (kopomoiganan KPI), (ino) pokionuon kozo tokou okon ko montok mongintong nopo dotokou hobi manaak pongintangan montok dumampot hizab di nogoisan, tokou nga mositi koiho ikoton dotokou id suang kotoinaan polinta om poingkuo sistom om poguhudan di pinotounda dotokou, kaampai no unit mongintong di tinuidong dotokou.

Sundung tu KPI diti nopo nga montok iso penggal no (himo toun), mongintong zou nogi potitikid toun. Monunuat Polinta Pogun mositi mongintong monunuat ngaavi pointadap potitikid komontilian om intangan ku potitikid montili saasabap no do potitikid montili nga kivaa KPI dino,” ka disido.

Nokotindapou nogi id lamai dino Monunuat Polinta Pogun Datuk Seri Hashim Paijan om Potunud Kotoinaan Polinta Pogun Datuk Nordin Siman.

Nokosoguhu id suang pason kopomoiganan dino, minoboos i Mohd Shafie id suang pongkimamaan polinta pogun mongintong abaabazan KPI dino, monoodo o polinta reformasi kotoinaan polinta mazaa ‘kotundaan mahik’ kotoinaan polinta pogun Sabah.

Ka disido id siibo reformasi dino, tuu pongkimamaan kiningkokoton takavas todoon ino nopo nga tangangazan, om kabaahan sistom kopointahangan kotoinaan polinta.

Apat vagu pongkimamaan id suang reformasi kotoinaan polinta dino ino nopo nga poguhudan toihaan timpu dumonto, toihaan mongubas koubasanan kiningkokoton takavas, popointahang poguhudan kumaa haang kiningkokoton takavas om kapanadaan model kompetensi om hongkod pongintangan kompetensi.

Tumanud di Mohd Shafie pongkimamaan ngaavi dino okon nopo papantod injin kotoinaan polinta pogu ontok timpu diti om nogi mikot mantad boogizan toihaan, pilotian om kompetensi nogi papantod poguhudan tinimungan boogizan polinta pogun Sabah. Bernama

   
Email Print
   
 
 
E-browse