Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

KPLB monimbang dati montok poposuang pananaman hado toitom

7th December, 2018

Di NOOR ZAFIRA SHAFIE

KOTA KINABALU: Komontilian Kotundaan Habus Kakadazan (KPLB) Sabah monimbang dati montok poposuang pananaman hado toitom sabaagi Abaabazan Ekonomi Pouangon id kokompungan Mini Estet Sejahtera (MESEJ) om Kampung ngaavi Sejahtera.

Montili dino Datuk Ewon Benedick minoboos pongkimamaan dino nopo nga montok popoinsavat tangangazan tinimungan noindamaan mosikin suvai ko kaanu kopoinsavatan kualiti koposizon tinimungan ikoton.

“Sumokodung zou pongkimamaan di naanu do boogizan Koisaan Mananom Hado Toitom Sabah (PLAS) montok papavakas pomounan mintingisan montok papahabus produk nontodonon hado toitom,” ka disido.

Ahal dino pibaasan dagai ontok kotombuhuzan pamantangan PLAS i huguanon di Polosiden, Dennison Indang, id upis montili, id doiti di koniab.

Kotombuhuzan pamantangan dino kiangkab popoiho ahal ngaavi, ponginaman om syor mantad tinimungan mananom om popobuu hado toitom Sabah kumaa pongintangan polinta.

Id suang kotombuhuzan pamantangan dino, pinopotunui nogi i Ewon sakadai touchpints Montili kiginumu RM10,000 sabaagi sokodung kumaa pongkimamaan koisaan popobu pananaman diti id Sabah.

Nakaakun nogi isido miampai atag monuidong abaabazan pongindopuan desa id siibo KPLB kotimpuun toun tiiso. Kotombuhuzan dino naampazat di Kumoduvo Polosiden PLAS Reggi Walter, Zita Bolingkong (Monunuat), Benjamin Yanggau (Kumoduvo Monunuat ), Janus Tion om Deni Rining.

Naamot dino Janus i nogi Ponikoon PLAS Laan Kota Belud minoboos vookon atag Mesej Mikro Mananom Hado Toitom nopo nga pomounan tana monongkibai id lahan pointimung kiginazo 30 ekar (tosiibo) miampai ginumu monongkibai 15 tuhun miampai potitikid monongkibai popobuu pananaman hado toitom kiginazo duvo ekar toi ko pisosoomo 1,000 puun.

Minoboos isido kotundaan uvang izonon kiginazo 10 ekar popoompit hamin monongkibai, kouhanan kopoguhu om amenity sosial, mini kilang ponoinaan hado toitom om abaabazan ikonomi suvai.

“Vookon uvang atag PLAS montok pananaman hado toitom nopo nga id Kota Marudu, Kota Belud, Tuaran, Ranau, Tambunan om Penampang,” ka disido.

   
Email Print
   
 
 
E-browse