Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
13 anggota parlimen kerajaan belum isytihar harta: SPRM |  Teach students to hate corruption, says Lee |  'Tackling encroachments first priority' |  Chinese New Year Dragon, Unicorn and Lion Dance Festival Jan 19 |  Sikul Minbuul Sabah ii tiudongon id suang timpu tosomok |  Puu antisusuap Sabah tiudongon papavakas ababazan humavan susuap |  Galoh-Galoh gergasi simbolik perasmian Pesta Kubis |  Ketua PKR Sabah dijangka diputuskan pada 11 Dis ini |  Anwar antara 13 Anggota Parlimen belum isytihar harta |  Percutian enam sekeluarga bertukar tragedi |  Jawatankuasa Anti Rasuah Sabah bakal ditubuh perhebat perangi rasuah |  Delayed SMK Kipouvo construction may start next year |  Sabah PKR may see leadership change – Anwar |  Sabah to set up committee to fight corruption |  13 govt MPs yet to declare assets – MACC | 
 Kadazan Dusun

RM196,400 balang Polo noomitanan nagamu do KPDNHEP

7th December, 2018

KOTA KINABALU: Komontilian Pidagangan Suang Pogun om Ahal Momoguno (KPDNHEP) Sabah nakapagaau kiginumu 1,964 unit basaan om aksesori noomitanan kingaan Polo, kihoogo RM196,400 id suang ponugkuan id iso kadai id iso hongkod pomohizan id doiti songkoniab.

Potunud KPDNHEP Sabah Georgie Abas minoboos tumanud sogu om ponohinuan, vahu puu om upisol dino minonugku kadai dino kuang hobi jam ko 11.25 minsusuvab songkoniab.

“Id suang ponugkuan dino, nakahantoi tokou minagaau 1,916 unit basaan mogisusuvai kavo kingaan Polo, 11 unit soiva mogisusuvai kavo ngaan Polo, 27 unit topi kingaan Polo om 10 unit neck tie kingaan Polo i nihaan nomitanan i pisosoomo kihoogo RM196,400,” ka disido id suang pitimbungakan media id Upis KPDNHEP Sabah, di koniab.

Minoboos isido id suang ponugkuan dino boogizan disido nga nakapanaan duvo koonduan kiumul 20 an om songuhun kusai kiumul 50an montok koponoizukan poingonop.

Minoboos i Georgie poguhui pinonugkuan dino boogizan disido nokotoimo sogu mantad hahansanon komponi The Polo/Lauren id Sabah i minonoodo ponohinuan sondii kokomoi abaabazan kadai dino papadagang balang nomitanan kingaan Polo.

“Asil pinonoizukan noihaan kadai dino noukab mantad po 12 toun nakatahib… kadai dino nogi nakaanu stok dagangon mantad papatazad Polo di kikasagaan, nga pinomolisaan ginumu stok balang di pinaatod mantad papatazad di kikasagaan au miga miampai balang kingaan Polo i dagangon id kadai dino.

“Pinonoizukan poingonop maamaso todoon montok mongiho mantad nombo balang nomitanan dino naanu om kiis soizukon id siibo Seksyen 8 (2)(B), Akta Ahal Pidagangan 2011 ino nopo nga papahabus toi ko manaak balang di momoguno iso ahal pidagangan pilasu,” ka disido.

Minoboos isido nung kogompit kahasaan kavasa ontokon danda kiginumu RM10,000 montok potitikid balang di dagangon toi ko tolungku au katahib tohu toun.

Tumanud disido, KPDNHEP Sabah minomolisa 47,065 kadai om nokoponuat 10,81 kiis miampai hoogo nagamu kiginumu RM7,296,507.66 miampai kompaun pohobuson kiginumu RM410,863 montok toun diti gisom 30 Vuhan Koopod om Iso nakatahib di suang haang ponguasaan. Bernama

   
Email Print
   
 
 
E-browse