Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Lelaki terbunuh kereta terhumban parit |  Hukuman mati 32 kesalahan di bawah lapan akta dimansuhkan |  Keningau, Tawau seal grand final tickets |  Water supply – review can save RM1 billion |  Sabah opposition grill Warisan |  Halloween Fest fun for children at Centre Point Sabah |  Saturday Hawkers’ fest with a treat |  Polinta kigaab papahantoi projik ampangan |  KL BAH, GHRT Ekstrem nakahantoi Pihavanan Borneo Paintball 2018 |  Konvokesyen susumikul Tabika/Taska Boogizan Parliament Tenom |  Ukum patazon 33 kahasaan id siibo vahu akta pinunso |  Business community urged to join Sabah Export Day |  Decrease price rate to boost economy |  No closure yet for Kgau, Tawau IPGs |  Trash-free event at first Tanjung Aru Beach Fest | 
 Kadazan Dusun

Kopongukaban kilang monoina lumun tombohog walit id Batu Sapi

9th November, 2018

SANDAKAN: Kopongukaban kilang monoina lumun tombohog walit id Batu Sapi doos doiti ii oihaan kaanu manalasai kobohingkangan industri babaino kumaa pidagangan sompomogunan produk lumun tombohog walit id suang pongindapu mogigizon mamasok Sabah.

Kilang ii kointutunan mamasok dino ukabon miampai pisokodungan Hongkod Momogompi Lumun Tombohog Walit Sabah om Syarikat AMG Advance Profitable Enterprise.

Nokotimpun mantad vuhan kavhu nakatahib, Kilang Monoina Lumun Tombohog (hamin om gua) dino notoodo doid Hongkod Perindustrian Majulah, Lahan Batu Sapi.

Lamai popoinmagon kilang dino pinoinmagon dii Kumoduvo Huguan Montili Sabah Datuk Jaujan Sambakong, tadau koniab.

Minoboos ontok lamai dino, Jaujan mokianu moi impoon pionitan kokoitan ii notoodao maza kapanadaan kilangditi kaanu mogovit pisokodungan ii tapantod om pihangan teknologi om kopoihaan pidagangan id suang tinimungan mamasok.

Ka dau pisokodungan boogizan syarikat AMG Advance Profitable Advance om Hongkod Momogompi Lumun Tombohog Walit Sabah kahantoi popobuu industry dino id uvaga diti miampai kointutunan syarikat 100 piatus mamasok sangan nuh.

“Maza hahansanon polinta babaino, mogium tokou haang monuhung mongindapu om pongilang monoina lumun tombohog walit miampai pontuhid om ‘pragmatik’ om inovasi.

“Iti miampai pionitan poinsodia maza pidagangan syarikat AMG Advance Profitable Enterprises om umbosion poh vagu montok mogimpot tuduvan moi Sabah kaanu mongundal lumun tombohog tutulus kumaa China miampai ii toumpos kilang babaino,” ka dau.

Jaujan minoboos Koupisan Kotoinaan Veterinar Sabah ii papasanag lahan om monokodung kilang diti maza kolalahano operasi pointantu (SOP) ii poinpahud miampai pokionuon China.

Tumanud dau ii poinsuang noh kalaja monuhung papahabus Silij Kilang kilisin mongundal lumun tombohog kumaa China maza kolalahano poinponu koupisan dino miampai pamagaahan pananda sabaagi mongundal, padagang lumun tombohog om papahabus.

Kopoguhu Huguan Upisol Eksekutif AMG Advance Profitable Enterprise Shamsudin Chinu minoboos syarikat dino ii nokotimpun mantad 10 toun nakatahib nokoponodo 208 hamin tombohog walit id Sabah.

Ka dau kopongukaban kilang monoina lumun tombohog walit dino ii kopogovit syarikat dino kobuu vagu id saung industry kokomoi montok popovuhai katambaan ningkokoto sosio ekonomi kumaa mongindapu mamasok.

Tumanud Shamsudin, syarikat kokomoi nogi kivaa pisokodungan miampai syarikat papapuu mantad Quangxi, China montok mogovit papapuu mantad pogun dino misokodung montok monodo 3,000 unit hamin tombohog walit id Sabah. Bernama.

   
Email Print
   
 
 
E-browse