Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Celcom, Health Digital Technologies inks memorandum to further explore DoctorOnCall’s potential |  Sabah Prisons settle for joint third |  300 muay thai fighters gunning for glory |  Mahathir says will try to establish non-partisan national administration |  Sekadar menceriakan aku yang mungkin nampak lebih tua |  STPM Labuan nokoposurat 100 pihatus kinapaason |  Misi koduvo Wuhan nakahantoi pinopoimbuhai pisokodungan |  Tuu mianak nosoob id kotutudan id Membakut |  Pupils from Nabawan to represent Malaysia in World Cup Dance competition in Rome |  UMS pushing for total ban on single-use plastics |  Merchantrade money gets approval to increase e-wallet limit to RM20,000 |  Pacific Rim featured in publication on Indonesia’s strategy to accelerate nickel supply |  MDV to offer RM450 mln financing to tech firms this year |  Penduduk Kg Gana-Gana rayu kerajaan naiktaraf j-raya |  Tiga pelajar SMK Arshad K. Belud terpilih sertai rombongan ke Seminar Antarabangsa Teknologi Hijau di Jerman | 
 Kadazan Dusun

Tumau pomovongi tinan sandad mogigizon

25th October, 2018

DII CYRIL FREDOLIS JIMODY

Mantad dii onini zou poh, anangan zou anu nopo ii ongid. Ontok timpu ku guminazo, noikot noihaan toi nointahangan pomovongi poinbindungu tonini ii misusuvai votik om popion kuu ii doid suang poizanan pinsil om nogi id suang kantung sikul. Ka dii Natasha Sharena mantad Keningau nga poingizon id Penampang.

“Songian minghahangai zou noh, povongi tinan ii tanangan ku kozo ontok dii, ii ‘White Marsk’ om ‘Dewberry’ mantad ngan Body Shop. Usin pakazon mugad sikul timungon sadadaa montok noh pomohi pomovongi tinan.

“Kapakalaja zou, kaanangan kumaa pomovongi tinan miming nogi minsavat id nombo songian humabus zou mongoi pimpanau doid kadai nung kivaa pomovongi ii kagazat ginavo tutulus bohizon ku sungung poh tu duvo nogi minggu zou minomohi ii pomovongi tinan ii nakatahib om pomovongi ii koontok noh kozo ginavo ku ii 5th Avenue mantad Elizabeth Arden.,” ka dau

“Gisom nakasavo kaanangan kumaa pomovongi tinan au nokoohon om songian kitanak kosukupan au nodi miaga ii poinbujang poh toi ii kasasavo, ii kosukupan nokosuvai nogi au zou nodi kaanu momohi pomovongi tinan tumanud do kaandak ginavo om kiva timpu pohuntanon ku timpu momohi sasababa noh momogonop kosukupan montok tanak,” ka vagu dii Natasha.

Miaga ii noihaan tokou, pomovongi ii kingan sompomogunan apagon hoogo dau, ontok toun 2016 nokopomusou zou montok do balajal monodo ponovongi montok dogo sondii nopo daa, nga sasabab sinokodung paganakan sondii om kinouvangan, tuminimpun zou pinapadagang pomovongi tinan kumaa tuhun ginumuan miampai hogoo ii apatut.

Pinopoiho ii Natasha, gisom baino kivaa 6 pomovongi montok kounduan ii Olumis, Huminodun, Rumandawi, Nayomi, Nickyta om Ness, montok pomovongi kokusavan nopo nga iso nogi montok babaino ii Sunduvan. Olumist ii pomovongi tinan kumoiso ii tinodo ku mantad kopiumungan tumau pati susumuni om tumau pati tuva-uva.

“Id timpu kotimpunon ku id boogizan diti, ogumu kalaja om kobohingkangan ii toguvangon, kobohingkangan ii tomoimo otoguvang ku ii koponoimaan tuhun tokou kumaa ngan mogigizon hohobi poh pomovongi tinan. Ingkuo poh nga monongkotohuod zou sasabab palan-palan tuhun tokou kaanu monoimo pomovongi tinan i tinodo ku mantad kopiomungan tumau FO om EOmantad misusuvai sandad, songian nokopiuman izioho minomoguno sondii.

“Mantad kosokogungan om kounsubaan savo om tanak ku sondii kapanaak dogo kavakasan tutulus tomoguvang kobohingkangan ngavii tii om nogi paganakan om kinouvangan tosomok.. Okuangan timpu nga iso nogi ii kaantob sabaagi songuhun ii au pakalaja om savo pakalaja id uvang suvai kopogovit okuangan do timpu tomoguvang tii kuamaaon ku ngan monongkotohuod zou nogi tu kakal kaanu popiadang timpu ku kumaa tanak om produk ku om babaino tumoguvang kadai ku sondi AVANUS di ITCC MALL Penampang.” Ka dau vagu

Ka dii Natasha minoboos, apagat zou tumanud ababazan koponingdapuan ii pinapanau toi naazu kopolintaan toi okan kopolintaan, mantad ababazan diti kikosivatan kopitubung miampai mongindapu susuvai om mantad diti noh kiva angkab ku do mongukab kadai sondii, id nombo anangan zou magahap mongindapu ngavii hohobi noh ii mongindapu kuamaon sondii om mantad sandad mogigizon ii tumimpun nogi mongindapu miaga dogo sondii otimung id iso tunduzusan. (Kadai).

Asil kuamaaon mongindapu ngavii miampai dogo sondii id sibo #teamavanus noikot vinasi. Tusuvan ku nopo monimung mongindapu ngavii diti id suang iso kadai montok noh asil kuamaaon dagai hobi okito om otoimo tuhun ginumuaan id samping papatanom “Guminavo Kuamaon Mogigizon” id pomusavan dioho. Minomihi zou ITTC Mall, Penampang montok minongukab kadai sasabab noihaan ku id Penampang aiso poh kadai miaga diti id nombo papadagang produk-produk kuamaaon sondii om sandad mogigizon.

Montok timpu babaino ahansan hobi gimunu koponoimaan tuhun mogigizon om nogi tumombuhui mantad dahabus Sabah kumaa produk ku om id suang timpu diti nogi mamaso zou papaatod kosukupan produk kumaa kadai Kadaiku om boogizan Kadai ku doid KKIA kahapas notoimo susugu ii pinaatod ku. Kivaa nogi minpkitodo dogo tumau pomovongi montok dodizon balang ii paatakon kumaa ii mikot id pisasavaan ‘Wedding door gift’. Ka dau

Kikahansanan id timpu mikot hobi ginumu mongindapu kuamaon hongon, produk sandad mogigizon tuminung toi tumanud id siibo AVANUS.ITCC. Isai ii kiginavo iti produk kavasa monolifaun id numbul 0138910202 toi https://www.facebook.com/nathtasha.chie

   
Email Print