|
10th October, 2018
TAWAU: Songuhun tanak kiumul 10 toun nadaa nosinduahan boogizan tuhu kahapas nalanggal iso kulita ontok kumininam tumapas lahan id simpang Taman Sawit Balung Batu 24, lahan Apas.
Ontok nantaakan 7.20 minsodop koniab dino, nokoundun aiso suat kinointutunan noihan sabaagi Dade Ansar kakal au poh kopuiman om mamaso monoimo pongusapan id wad tapo-apo Hamin pongusampa Tawau.
Huguan Pulis Uvang, ACP Fadil Marsus minoboos koponoizukan kopoguhu nakaanu nantaakan nadadi ontok kulita Toyota Hilux id papanaan mantad lamput talafik Balung kumaa kadai taakanon tosikap id Balung.
Songian koikot minsosomok simpang Taman Sawit Balung Batu 24 lahan Apas ontok papapanau id boogizan vanan, minonigog nokoundun minanangkus dumapas mantad gibang kumaa vanan lahan.
Papapnau kulita kiumulan 29 toun aiso ningkukuo au nakasampat popotingkod kulita dau om nakalanggal nokoundun id doguzang kulita om naatu kumaa ponong vanan id doos povohitan tanalun.
Asil ponoizukan kopoguhu makanu kohigaganan dino mantad kinahasan dii duminapas tanalun au minomoguno sunsuzon poinsodian om au papatantu asio kulita kopoguhu suminobong lahan.
|
