Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
57 never before published Dusun folk tales added to State Library |  Labuan Chimney Walking Trail kopongimbayat tutumombului |  JBA Labuan nokotoimo sakadai RM140.2 lizong |  RM217 lizong gunoon ponoodo projik kotundaan id Ranau |  Polis tahan dua lelaki tempatan, rampas dua laras senapang angin |  PGA akan dilengkapi Unit Tiger Platoon |  Program Career & Education Fair dedah rancang kerjaya |  Masalah rumah tidak terjual di Sabah tidak serius |  Michelin welcomes first flagship store for premium performance-oriented tyres |  Fabio to add more punch for Interior |  Police arrest two men, seize homemade airgun |  Marine police nab 24 illegals, thwarts fish bombing |  Tour boat drivers tested positive for meth |  New Grouper catches Chief Minister’s attention |  Ministry to tackle overhang property issue | 
 Kadazan Dusun

Mary Grace bontugan piboian humozou id Beer Garden Idol 2018

130918-hiburan-9g

14th September, 2018

Di SUZIE GODWIN

Piboian humozou i koinsan nogi naazu do Beer Garden Café & Lounge naanu di Mary Grace, di kavavagu diti. Mary Grace i minogovit do hozou Bang Bang nakahantoi minaganu ginavo do momihantoi piboian i mantad dioho Leon Dison om nogi Khai Puma Jamal sabaagi Huguan Momihantoi.

Nokotoimo isido usin RM800, trofi, hamper om 10 kupon baucer mantad mangazu. Mary Grace nga nakahantoi nogi do Pokitanan Tavasi miampai vava usin RM50 om iso trofi.

Tampat koduvo naanu di Terence Woritus miampai usin RM200, trofi om hamper. Minogovit isido hozou Writing’s On The Wall. Montok tampat kotohu vagu naanu di Tasha Rozario Jerry mazaa hozou All By My Self.

Nokotoimo i Tasha usin RM100, trofi miampai hamper. Tampat kaapat di om Kohimo di Rivello Tawang om Albert Alexandra, nokotoimo do usin RM50, trofi om kupon baucer mantad mangazu.

Nakahantoi montok gaa Humozou Ointutunan mazaa undian ginumuan nopo nga i Patricea, miampai vava usin RM50 om trofi.

Id suang pason pamahagaan Beer Garden Café & Lounge, monongkotohuod au giigina i Eddie kumaa saviavi di nokotindapou minomonu do tampat dino ontok naazu o piboian. Monongkotohuod nogi isido kumaa saviavi manakadai piboian miampai monongkibai i minanaak pisokodungan poompus piboian do naazu.

Agazo pokiompunan do boogizan mangazu id nuununu kokuangan ontok pongozuvan piboian dino om dumadi papavasi do koozuzuvo ontok timpu mikot.

Beer Garden Café & Lounge mangazu vagu do hobi ginumu abaabazan id timpu mikot om humansan pisokodungan mantad saviavi tutumombuhui id tampat dino.

Abaabazan sapalu kohimpupuson om kohimpupuson humozou Beer Garden Idol 2018 minomihi di Ronney Bikin Panas sabaagi moboboos. Minonuhung nogi id pongozuvan dino Kelly Pong om sanganu do tampat John, Alex, Joker, Eddie miampai di Allen.

   
Email Print
   
 
 
E-browse