Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
MPKK to have 13 members |  Syahzharoul, Nurul deliver golds for Sabah |  RM150,000 armed robbery: 15 more years for Filipino |  Artis era 90-an bertemu di FH Production |  Preserve custom, tradition by writing, youths urged |  KV nakahantoi saviavi PESKOV 2018 |  Nasi ganja taakanon kavavagu id Tawau |  APMM nakapanahob ponginaman mogovit humabus tumau petrol |  Komuniti Van Sekolah helps improve students' attendance |  Tun Mustapha Park gets hi-tech communications system |  JCI Labuan kutip lebih 1.5 tan sampah sempena World Clean-up Day |  UiNVEST, JZTW International ink consulting deal |  SEDIA draws in RM166.33 bln investments |  Hati Joslan Bojinggil tertambat dengan gadis Telupid |  Komitmen ahli Majlis Fatwa Negeri perlu tangani permasalahan umat Islam, kata Aidi | 
 Kadazan Dusun

Kotombuhuzan kotundunan Mohoing Kiumul – Puniabu

12th September, 2018

Di CYRIL FREDOLIS JIMODY

Tinumungan ‘Puniabu’ minonodo kotumbuhuzan kotundunan mohoing kiumul doid kinoizonon Holy Family Pace Bane, Kinarut, Papar. Soginumu 33 tuhun minumpazat miampai do minanaak tohuod kumaa tinimungan mohoing ngavi dodi Holy Family Pace Bane, di kavavagu.

Kotumbuhuzan diti buaanon di Ponoikoon Adrian V. Ganang, monunuat om nogi tozibut ii Marylyn Michael om saviavi puu Puniabu.

Minoboos ii Marylyn, tuduvan nopo kotumbuhuzan kotundunan diti nga montok noh manaak pomusavaan kumaa tuhun ginumuan hoohobi noh kumaa dagai sondi songkuo ginumu id dahabus kakal okuangan toi ko mobpiumon do kogiginovo mantad tokou hohobi poh mohoing ngavi ii osonguhunan toi osodu mantad paganakan dioho, ka dosido.

Ogumu ababazan ii pinapanau ontok kotumbuhuzan dino miaga ko, popotuzu titaak tohuod ngavi mantad tohuod tuhun ginumuan om mantad tinimungan dioho sondi nogi, momutu tobuk om hindusu kumaa mohoingon ngavi do aiso kabalai, “praise and worship” om nogi abaabazan mogoib tindalam ii tanda pipoinoizan.

Puniabu Family iso tinimungan sukod vagu ii kiumulan 20an gisom 50an. Notuidong tinimungan diti songian puu ngavi tomoimo humabus tumimung om id suang tinimungan diti mogiambahut, mipinsan om miobpinai.

Notuidong o tinimungan diti di toun 2018, nokoimagon tinimungan diti songian 1 tinimungan ‘Whatsapp’ tinodo pinunganan dioho Puniabu Family om soginumu 17 puu poinsuang. Ngaan diti nopihi mantad noh koulalaho poboboos dagai tikid tadau miaga ko ‘astagah’ toi ko ‘adadah’, ka dosido.

Minoboos nogi Merylyn, nokopomusou zioho do kaanu zioho papanau ogumu ababazan ii kiguno suvai poh mantad humabus tuminung nopo saasabab id suang puu dagai saviavi kiva toihaan sondi miaga ko humozou, manali, ‘make-up’, magansak om susuvai poh, ka disido.

“Tumanud kasagaan saviavi puu, sontob ababzan ii papanaon dioho, ponoikon, monunuat/tozibut om puu mositi pihion misosovohi tumanud di sontob ababazan, iti nopo ngan montok popoinbuhai ii toihan do dumadi songuhun buuan nga ii nopo monontuduk pointatap ii gundohing Bobby S. Alex om Junis Korom,” ka dau Suvai poh mantad dino naazu nogi abaabazan tadau paganakan Puniabu doid Kamagi Resort, Kampung Kibunut Penampang, ii buanon ponoikon Cylester Fredolis om monunuat dau ii Douglas D. Phan.

   
Email Print
   
 
 
E-browse