Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

Skim Kaingaran ombitanan kopotundaan MESEJ id Sabah

110918-lead-4a
KINOPOIMAGANAN .... I Ewon minomutung guas gata' ponokotanda' kinopoimaganan MESEJ Kaingan. Gambar tokoro' (sawat) i Peter, (siriba') i Alexius. Naamot gambar sawat, kokiikitanai do pongiingiyonon di oulud MESEJ Kaingan.

12th September, 2018

TAMBUNAN: Mini Estet Sejahtera (MESEJ) Skim Kaingaran i noinggonopan do mogisusuai kogoogonopan kosili do ‘model’ (ombitanan) kopotundaan MESEJ doid pogun diti, ka di Montiri Kopotundaan Labus Kakadayan Ewon Benedick.

Minoboros isio do tongo’ tutumanud MESEJ id kinoiyonon dilo’ okon nopo ko’ noposodiaan do walai noinggonopan pangaba’ lotirik om waig graviti nga nogi’ kogoogonopan ginumuan di suai.

“Osontob ginawoku di kinoburuon do MESEJ Kaingaran. Nung okitoku kogoogonopan do hiti, aanu ku do komoyon iti nopo nga’ iso’ ombitanan kopotundaan MESEJ montok watas di suai,” ka disio katalib minooi kakap do MESEJ Kaingaran do hiti di kaawagu diti.

MESEJ Skim Kaingaran kiginayo do 300 ekar pasanganu 33 walai MESEJ, noinggonopan do lintuhun mogisuaiguno i nogonopan do pangaba’ lotirik, waig, ropuhan, upis om pagagawasan.

Kogoogonopan suai di haro id MESEJ dilo’ nopo nga’ talun-alun notiir mantad Kakadayan Tambunan kisinodu’ do 8.9km, talun-alun simin kumaa id kawalaian om luan do walai i osinggaa’ montok pomutanaman.

MESEJ Kaingaran naampai di 33 tutumanud kapaampai Luguan Suang Walai Mosikin Tegar (KIRMT) id watas Tambunan.

Kokomoi naangayan di 52 MESEJ suai id poliliput Sabah, i Ewon i po nogi’ Puru Lintuhun Koundangan Pogun (Adun) Kadamaian minoboros, wookon do MESEJ dilo’ mamaso potundaon om haro i kakal nogi’ do momili’ tutumanud.

“Haro MESEJ i aanu onuan tokou do dividen miagal do MESEJ Kelapa Sawit Keningau om piipiro MESEJ id watas suai.

“Nga’ id Tambunan diti, kaawagu nogi’ diolo’ do momutung (gata’) om kaanu dividen di miagal do toun tiso’,” ka disio.

Mimang po nogi’ i Ewon do ababayan koponoibahan komosikinan mogiigiyon labus kakadayan id pogun diti loolobi no MESEJ insonongan montok poposindak do waya’ dilo’.

Ka disio, osuul ilo’ montok papatantu’ angkab tosonong koporintaan aanu mamagampot kopiongoi di angkab-angkabon do rayat.

“Pokionuonku tongo’ tutumanud ababayan MESEJ do popoinggumu’ (intodonon) ikonoim montok koonuan nindopuan miagal do pomutanaman ‘kontan’ om pomutayaman id watas MESEJ om okon ko’ tumalahan tomod di iso’ no nantadon (Ababayan MESEJ),” ka disio.

Naamot dilo’ i Upisor Watas Kotinanan Pomorunan Gata’ Sabah (LIGS) Pogun Sabah Alexius Madiun minoboros, MESEJ Getah Kaingaran nopo nga’ iso’ mantad di 17 MESEJ Getah id Sabah.

“Iti (MESEJ Getah) nopo nga’ montok monoibau komosikinan om nogi’ projik napalan mantad koporintaan monguhup mongingkawas nindopuan mogiigiyon kampung nopili’ sabab koiyonon dilo’ okon nopo ko’ posodiaan walai tosonong nga nogi’ kogoogonopan suai miagal do lotirik, waig, talun-alun notiir om lintuhun,” ka disio.

Minoboros isio sundung tanom gata’ id kinoiyonon dilo’ aanu no do momutung, nga’ okon ko’ koinsanai i aanu putungon id timpu di miagal sabab amu’ aagal sinunion.

   
Email Print
   
 
 
E-browse