Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Heartbreak for MMT Junior again |  Two police reports on MP’s alleged tryst |  'Corrupt people must be punished' |  Fendi Mardi boleh pergi jauh dalam industri seni suara tanah air |  Buah durian Ranau jadi tarikan pengunjung luar |  Kusai nasamanan nopujulan kiniopon id talun-alun Lahad Datu |  Tinimungan manazang mokianu usin RM4 lizong |  Researchers seeking new ways to protect mangroves |  MATRADE promotes Malaysia capabilities in Asia |  Celcom first telco globally to be ISO 18295-2:2017 certified |  Digi rewards customers through new app |  Anugerah Hadiah Sastera Sabah, Galakan Buku Umum 2018 tawar ganjaran keseluruhan RM40,000 |  UMS Color Run meriahkan sambutan Hari Malaysia |  Mayat lelaki ditemui atas jalan raya di pusat bandar Lahad Datu |  ESSZONE: Polis akan temui nelayan, pengusaha pelancongan dan penternak ikan | 
 Kadazan Dusun

Intutunan watas montok pamansaian wokok

12th September, 2018

KOTA KINABALU: Koporintaan pogun Sabah mongintutun piipiro kinoiyonon montok pamansaian do wokok montok papatantu’ pangaba’ waig id pogun diti korungod id timpu 50 toun dumontol, ka di Boyoon Montiri Datuk Seri Mohd Shafie Apdal.

Minoboros isio montok popoindalan ahal dilo’, iso’ ponoriukan poinralom maan poindalano’ id koiyonon pamansaian wokok dilo’ id tolu kinoiyonon ilo’ nopo nga’ Tambunan, Papar om Kota Belud.

“Oilaan tokou atag kapamansaian id Kaiduan, Papar, kikobolingkahangan. Mantad dilo’ mongintutun tokou piipiro watas montok pamanasaian wokok mooi do kogonop pangaba’ waig do dumontol,” ka disio.

Nung aiso’ waig do dumontol ogumu’ tulun popokito kotogodon. Mantad dilo’ kiguno tokou manalasai kobolingkahangan pangaba’ waig kosuul no sinakagon tokou do dumontol, ka disio kawagu.

Minoboros isio id pinongolimpupusan Forum Tadau Malaysia pinaanjur Kotinanan Pasokmomogun Kadazandusun Murut Bersatu (UPKO) do hiti, konihab.

Nokotindapou nogi’ i Ponowoli Porosidin UPKO Datuk Seri Wilfred Madius Tangau.

Minongomi kokomoi forum dilo’, ka di Mohd Shafie kotondu’ kopio ilo’ montok silihon impohon do piilangan pomusarahan id koponongkiborosan dokumen miagal do Pibatosan Malaysia 1963.

“Kalansanan ku forum diti aanu monilombus do dumontol sabab kosuul montok dati’ do koilo nunu i poinsuang id dokumen nokomoi,” ka disio.

Minoboros isio do koporintaan wagu Sabah i buruanan do Parti Warisan Sabah (Warisan) papatantu’ kopotutan Sabah kotilombus aanu momusus.

Naamot dilo’ i Madius minoboros, forum nokomoi kituduan mamarati suang dokumen miagal do MA63.

“Forum diti poindalanon potitikid toun kopihondot Tadau Malaysia om forum diti nokoindalan pointonod limo toun di nakatalib. Maya’ do forum diti kokito tokou poingkuro koporintaan popoindalan MA63… kiguno tokou koilo do MA63 nopo nga’ dokumen i poinrojistor miampai do Kotinanan Tinaru-Tinaru Misompuru om ahal i poinsuang id dokumen dilo’ awagat kopio,” ka disio.-Bernama

   
Email Print
   
 
 
E-browse