Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Heartbreak for MMT Junior again |  Two police reports on MP’s alleged tryst |  'Corrupt people must be punished' |  Fendi Mardi boleh pergi jauh dalam industri seni suara tanah air |  Buah durian Ranau jadi tarikan pengunjung luar |  Kusai nasamanan nopujulan kiniopon id talun-alun Lahad Datu |  Tinimungan manazang mokianu usin RM4 lizong |  Researchers seeking new ways to protect mangroves |  MATRADE promotes Malaysia capabilities in Asia |  Celcom first telco globally to be ISO 18295-2:2017 certified |  Digi rewards customers through new app |  Anugerah Hadiah Sastera Sabah, Galakan Buku Umum 2018 tawar ganjaran keseluruhan RM40,000 |  UMS Color Run meriahkan sambutan Hari Malaysia |  Mayat lelaki ditemui atas jalan raya di pusat bandar Lahad Datu |  ESSZONE: Polis akan temui nelayan, pengusaha pelancongan dan penternak ikan | 
 Kadazan Dusun

Tanak ngavi popokito sunduvan Patrotik

7th September, 2018

Di ERSIE CHELL ANJUMIN

TUARAN: Ogumu ababazan ii kaanu ponjulon kopiondot Vuhan Pomolintaan Sondi montok papatanom sunduvan guninavo pogun id suang mogigizon poinsuang noh tanak ngavi.

Sumusut dino, Institut Pendidikan Guru (IPG) kampus Kent miampai pituhungan Pusat Komunti om Lestari Universiti Malaya (UMCares) miampai popoinmagon Modul Tuninipot Literasi-Kreatif tanak ii pinapanjul piiboian Movotik-Kreativi taak doid pambazaan buuk IPG Kampus Kent.

Kiva ogumu ababazan kagazat pinapanau miaga ko pokitanan basaan Kemerdakaan misusuvai, piiboinan monodo kreatif merdeka gunoo mahik om hozou kemerdekaan tanak.

Ababazan diti montok noh mananom sunduvan guminavo Malaysia kumaa tanak ngavi om tutulus mompuimon kolotian kopomolintaan sondi.

Pansyarah Vanan, Upisol Phikologi Pambalajalan om kaunseling, Fakuti Pambalajalan Universiti Malaya (UM) Dr. Mohd Nazri Hj, Abdul Rahman minoboos Modul Tuninipot Literasi-Kreatif tanak popointahang pambalajalan pra-baca om pra-tulis mantad koubasanan ginumuan Sabah.

Projek diti poingampai tanak Prasikul IPG Kampus Kent om Tadika Perpaduan Kampung Lohan Ranau. Songuhun tanak sikul ii poinumpazat doid ababzan ii pinapanau, Putri Auni Ismail minoboos aunsikou sasabab kaanu humozou sangovian kinovangan miampai popohimbai bondila Malaysia.

Suvai poh dino songuhun mohoing tondu, Noraiza Mahmud kikounsikaan kokito tanak dau popokiton vasaan bondila Malaysia.

“Tanak ku noosusu ontok 31 vuhan kavahu, dai songian kokito dau popokito vasaan bondila Malaysia ii tinodo om tinombi ku, kagazan ginavo kozo. Izou nga ounsikou kokito tanak tonini popokito vasaan dioho,” ka dau.

   
Email Print
   
 
 
E-browse