Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

Momoduso gajah tosizau id Sabah: Mindad koponoizukan polinta pogun

7th September, 2018

KOTA KINABALU: Montili Pomounan Kopoguhu Teresa Kok minoboos komontilian disido mindad asil koponoizukan polinta pogun Sabah kogompit minomoduso gajah tosizau id pogun dino poguhui monoodo kointahangan toi ko maganu nuununu haang kogompit ahal dino.

Ka disido sundung tu tumongob isido om mononso miampai kinantakan dino, nga au isido kaanu papahasa mombubuvat toi ko momutanom toniini kokomoi dino tu poguhui kivaa tanda katapatan di tatahang popogompit pinomodusaan gajah dino miampai boogizan momutazam toi ko momutanom toniini.

“Aiso angka ku papahasa momutanom toniini toi ko mobubuvat kokomoi pinomodusaan gajah dino tu aiso po tanda katapatan. Mantad dino kanou no saviavi mindad luputan koponoizukan polinta pogun Sabah,” ka disido kuminaa magaganu abal kahapas pinopoimagon Pitimbungakan Kabangsaan Momutanom Toniini Piasau Mamau 2018 id doiti di koniab.

Pinopointahang i Teresa kokomoi katangaban WWF-Malaysia kogompit saasau antakan kiis kapatazon gajah tosizau id Sabah babaino diti. Tumanud Koupisan Mamasi Tosizau Sabah, montok toun diti nopo, 26 tinan gajah nosogu napatai kikotumbazaan dinuso miampai vookon dino napatai saasabap no do noohian id ganit i noontok tungkasip id boogizan takod.

Mantad dino ka di Teresa, haang polinta popointutun pensijilan Tumau Piasau Mamau Mampan Malaysia (MSPO) nopo nga montok mongunsub momutazam om momutanom toniini id pogun diti mintamong sandad posoihi miampai minsingubas koubasanan pomutanaman tavasi id suang pananaman piasau mamau.

Ka disido id siibo pensijilan MSPO dino, noonombo mobubuvat i noihaan nakahasa momoduso tazam tosizau i kihoogo kozo kavasa ontokon haang kaampai no mongodong mahik sijil MSPO dioho.

Saviavi momutazam om momutanom toniini piasau mamau popotuton maganu Pensijilan MSPO koikatan toun 2020.

“Ikoton polinta… nopo nga mooi saviavi momutanom toniini om mobubuvat (atahang) kokomoi tonggungan dioho montok mintamong sandad posoihi om monoodo lahan pananaman di pointunud mooi saviavi totondos di pinatazad kumaa Malaysia (kogompit kohobusan tumau piasau mamau) diti kaanu tokou sisimba,” ka disido. Bernama

   
Email Print
   
 
 
E-browse