Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
MPKK to have 13 members |  Syahzharoul, Nurul deliver golds for Sabah |  RM150,000 armed robbery: 15 more years for Filipino |  Artis era 90-an bertemu di FH Production |  Preserve custom, tradition by writing, youths urged |  KV nakahantoi saviavi PESKOV 2018 |  Nasi ganja taakanon kavavagu id Tawau |  APMM nakapanahob ponginaman mogovit humabus tumau petrol |  Komuniti Van Sekolah helps improve students' attendance |  Tun Mustapha Park gets hi-tech communications system |  JCI Labuan kutip lebih 1.5 tan sampah sempena World Clean-up Day |  UiNVEST, JZTW International ink consulting deal |  SEDIA draws in RM166.33 bln investments |  Hati Joslan Bojinggil tertambat dengan gadis Telupid |  Komitmen ahli Majlis Fatwa Negeri perlu tangani permasalahan umat Islam, kata Aidi | 
 Kadazan Dusun

Mogiigizon Kota Belud manandak tadau konduan

6th September, 2018

KOTA BELUD: Tinimungan Okon Kopomolintaan (NGO) minomoimo pamahavan kopomolintaan miampai mamalamai ababazan Tadau Konduan Kabangsaan boogizan uvang Kota Belud. Ababazan manandak tadau Konduan dino pongkimaamaan mantad Koisaan Tinimungan TimesJ (TimesJ Community) montok manaak ponongkotouhadan om ningkokoton montok tinimungan konduan id uvang diti ii ogumu noh minanaak kotuhungan kumaa mogigizon.

Ponoikoon Koisaan Tinimungan TimesJ (TimesJ Community), Jamaika Kisau minoboos ababazan ii sadang-sadang nga ogumu ponuangan ii kiguno. Kapanandaakan ii insan nogi doid uvang diti kahansanan kaanu kohombus id timpu do monto ii kigaab manaak ningkokoton kumaa kutuhungan konduan ngavi doid uvang Kota Belud.

Ka dii Jamaika, ababazan ii tinandaak insan nogi kiva kokuangan nga sunduvan montok mamalamai Tadau Konduan Kota Belud, monimpuun susuzan montok konduan dahabus kakadazan.

“Konduan nopo poinsusuvai, mantad songuhun tondu toi ko mohoing tondu ii minogosusu genarasi ii tabaa om kiguno montok ginumuan. Sunduvan huhumavan songuhun tondu ii tavakas om ogiot montok paganakan, id dahabus ogumu tinimungan konduan ii pakalaja, monodo pongindapuan sondi, poingsuang nogi minigit kalaja suang polinta sabaagi mononodo, monoizuk ekonomi om undang-undang,” ka Jamaika.

Ogumu ababazan ii nakamau ontok Tadau Konduan Kota Belud miaga ko piiboian gaung koubasanan, kuamaon hongon om magansak takaanon tohidas. Suvai poh mantad dino ababazan monohuod zaa, pomolisaan zaa.

Panandaakan Tadau Konduan Kota Belud pinoinmagon di Crayle Lajimin, Monunuat Pulitik id Kopomolintaan Ponoundaan Dahabus Kakadazan Pogun id bogihan Montili KPLB. Nokoikt nogi Tati Nurul Shakirah Osman id bogihan Upisol Uvang Kota Belud, ASP Tan Guan Chai id bogihan OCPD Kota Belud, Kapten Nuzul Fitri id bogihan 10 RAMD, Inspektor Nu Amalina id bogihan AMANITA, Tati Jasmanirah Ariffin id bogihan BAKAT gabungan om Tati Sally Tham Guru besar SRJK Chung Hwa Kota Belud TimesJ Community ii tinimungan nokopoingmagon id poguhu oihan sabaagi Jamaika Team ii opulokis mantad pipioh toun nakatahib. Opulokis manaak tohuod kumaa tinimungan ii nopih, manaak tohuod kumaa nokoundun kosusahan, nogi miampazat manaak tohuod kuma tanak sikul moi kaanu potihombus sinikulan kumaa pangan hobis takavas.

“TimesJ Community mokianu sokodung om kotuhungan mantad Pongindapuan koprat toi sosonguhunan montok umampot ningkokoton saviavi.

   
Email Print
   
 
 
E-browse