Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
57 never before published Dusun folk tales added to State Library |  Labuan Chimney Walking Trail kopongimbayat tutumombului |  JBA Labuan nokotoimo sakadai RM140.2 lizong |  RM217 lizong gunoon ponoodo projik kotundaan id Ranau |  Polis tahan dua lelaki tempatan, rampas dua laras senapang angin |  PGA akan dilengkapi Unit Tiger Platoon |  Program Career & Education Fair dedah rancang kerjaya |  Masalah rumah tidak terjual di Sabah tidak serius |  Michelin welcomes first flagship store for premium performance-oriented tyres |  Fabio to add more punch for Interior |  Police arrest two men, seize homemade airgun |  Marine police nab 24 illegals, thwarts fish bombing |  Tour boat drivers tested positive for meth |  New Grouper catches Chief Minister’s attention |  Ministry to tackle overhang property issue | 
 Leisure

Kadai taakanon id dahabus kakadazan

3rd September, 2018

Di CYRIL FREDOLIS JIMODY

Ontok 4 November 2017, Pongindopuan taakanon di Adam Shamil om Cassey nakaanu koponoimaan tavasi Adam Shamil om Cassey Jovial tuminimpun pinapanau pogindapuan dioho ii pinomunganan dioho do ‘Outskirts Eatery’ nakagazat do tuhun ginumuan di anangan mogium taakanon id habus kakadazan.

Pongindopuan dioho i noukab id lahan Putatan – Ramaya ontok po di ko 4 Vuhan Koopod om Duvo di toun nakatahib.

Tumanud di Cassey pinonginaman dioho di Adam Shamil minogukab do kadai pangakanan diti sundung tu aiso po nangangazan taahom id boogizan pongindopuan taakanon.

Minoboos ii Cassey, taakaon ii padagangon dioho nopo nga misusuvai kavo miago ko takonon Western, Asia om nogi takaanon koubasanan tuhun Sabah, taakanon doiti saviavi halal.

Iti nopo pomihian taakano nga pinibaasan dioho miampai tobinai totuo di Cassey, ii Christoper magagansak dioho ii kiva kuang hobi 20 toun magansak doid kadai ii kivaa o ngaan tavasi.

“Babaino mamaso noh zioho papagazo poh vagu do kadai dioho mooi do koumpos nodi tutumombuhui ii mikot mongoi akan doiti. Kiva nogi ii monoodo do ababazan doiti Outskirts, miaga ababazan tadau kinohodion, tadau paganakan om susuvai poh,” ka dosido.

Tumanud di Cassey, nahap ii zioho mantad ponoinaan do Center Point Sabah do mogukab kadai doiho om daasom suang pogun Sabah apat no kadai taakanon ii nahap. Kivaa nogi ii mogunsub dioho do mungukab kadai doid Pakan Nabalu Ranau. Ii kounsub nopo pagahapan ngavi diti nga ii taakanon koubasanan tuhun Sabah sasabab Center Point Sabah om Pekan Nabalu nopo nga gogondoon tutumbuhui ngavi habus om suang pogun.

Tumanud di Adam, kopongukaban kadai pangakanan diti pointantu no do ogumu kobohingkangan id timpun papanau pogindapuan diti, nga pinsingihaan dagai mantad di tongohomi dagai om mantad kotuhungan tambahut om paganakan nogi ii mogunsub gisom no nokobuu iti kadai dagai, ka disido.

“Okon ko ouhan montok monoodo kapabalai toi ko kumaa tuhun ginumuan, nga maza do “Facebook”, kinouvangan om paganakan ogumu pinonuhungan dioho kumaa dagai.

“Baino okon nopo tuhun ii poingizon pososoihi koikot mongoi akan doiti nga kivaa nogi tutumombuhui mantad habus pogun miaga ko mantad pogun Korea,” ka disido.

Timpu pogindapuan dioho tumimpun jam 10 minsusuvab gisom 10 totuvong do potitikid tadau om au oukab ontok potitikid Tadau Kotohu minggu ko duvo om minggu kotohu.

Isai-isai ii anangan mikot id tinimungan toi anangan monodoo abaabazan doiho nga kavasa monolifaun doid numbul 016-2903636.

Outskirts kaanu nogi magansak montok ababazan doid dahabus toi ko id Outskirts sondii’.

   
Email Print
   
 
 
E-browse