Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Pombiian sangavian boogizan do ahal pisasavaan id siibo umul onuan pongihaan

10th August, 2018

KOTA KINABALU: Maganu pongihaan o kopolintaan do pombiian savi avi boogizan kikounalan id piboosan montok popoinsavat gontob umul pisasavaan id siibo umul id pomogunan Malaysia diti mantad 16 kumaa 18 toun poguhui nuununu koputusan do todoon, ka di Montili id Koupisan Huguan Montili, Datuk Liew Vui Kiong.

Minoboos isido do pombii’an do sangavian boogizan kogompit diho kiguno montok mombii implikasi koimbuhai dati sokio nung undang-undang nokomoi poonjulon do tiinu.

Minoboos i Liew do iti kaampai no maganu pongihaan pombiian do boogizan kikounalan id Sabah om Sarawak, tu duuduvo pogun diti papavasa pisasavaan id siibo umul 16 toun miampai kavasaan do tina om tama tumanud pisasavaan doun adat i nubasanan do mogiigizon nosizun tinau om ugama id pogun diti.

“Ponimbangan mantad pangan koundangan Islam nga onuan nogi pongihaan id piboosan diti,” ka disido kuminaa doid monunuat abal di kahapas suminasi abaabazan kapataakan tudon Kompleks Kuut Kota Kinabalu, di kavavagu do doiti di koniab.

Potindapou nogi ontok diho i Huguan Hakim Pomogunan Malaysia Tan Sri Richard Malanjum; Hakim Tagazo Sabah om Sarawak Datuk David Wong Dak Wah; Huguan Potunud Koupisan Kalaja Tagazo Datuk Seri Ir. Dr Roslan Md Taha; om i Huguan Potunud Boogizan Ahal Undang-Undang Datuk Jalil Marzuki.

Minoboos i Liew, do piboosan montok papadahin gontob umul pisasavaan id siibo umul nokomoi todoon kituduvan manamong om nogi gumompi kounalan dazanak suvai ko mongiho kozo do aiso boogizan ekplotasi do tinimungan nokomoi montok tuduvan pointantu.

Minoboos isido do iso piomungan koputusan do todoon ahapas piboosan do opongo poguhui o undang-undang dino do poonjulon.

Kokomoi nuzudan puu Tinankuasa Poimbida montok monoihi mahik Piumpongozan Malaysia 1963, minoboos i Liew do nuzudan ngaan nakataak kumaa do kabinet montok pahantazon om pobooson disido o ngaan puu tinankuasa nokomoi id suang timpu 100 tadau pomolintaan polinta kavavagu. –Bernama

   
Email Print
   
 
 
E-browse