Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
CM invited to officiate at Club Med Borneo groundbreaking ceremony |  KDN does not recognise MCAC card |  Anwar agrees there should not be too much tension on power transition – Dr Mahathir |  9th Sabah Unity League Cup begins December |  Ryan - Malaysia’s U-16 No.1 |  Sistom e-Kasih nadadi sistom hongkod data bersepadu |  Kopoundohian umul mongundi om i mokipihi nookunan |  Keningau Vocational College receives outstanding award at ICLESS 2019 |  Plan for innovation centre in every higher learning institution in Sabah |  GES education fair in Sandakan this Saturday |  Bask Bear Coffee eyes collaboration on sun bear protection |  Inflation pressures to be contained in 2020, says UOB Malaysia |  MPI in talks with MoF to set up biodiesel stabilisation fund |  Perintah berkurung di ESSZONE dilanjutkan sehingga 7 Disember |  UMS komited kekal kecemerlangan akademik peringkat antarabangsa | 
 Kadazan Dusun

Judi piala dunia: Pulis Sabah nakapanaan 42 tuhun

20th July, 2018

KUDAT: Pulis Sabah nakapanaan 42 tuhun om nakapagaau usin kiginumu RM210,920 i kikotumbazaan usin pitupaan judi Piala Dunia FIFA 2018 poompus piboian dino naazu.

Pesuruhjaya Pulis Sabah Datuk Ramli Din minoboos saviavi di natandasan kiumul 20 gisom 60 toun nokogompit i kogompit dino kikotumbazaan ejen toi ko bookie mogohimu mitupa, tinaan id suang 32 pinonugkuan misuvai id pototongkop pogun.

“Kivaa nogi mitupa kumaa mogohimu judi dino (i tinaan),” ka disido kuminaa magaganu abal kahapas minonoodo kotombuhuzan kalaja id Hongkod Upis Pulis Kudat, id doiti di koniab.

Ka disido tumanud pinonoizukan, kakal kivaa noohu mogohimu judi dino i kakal poingidu om boogizan disido tuutulus mogium dioho.

Minoboos isido saviavi di tinaan soizukon tumanud Seksyen 6(1) om 6(3) Akta Pituppan 1953. Naamot dino, minoboos isido montok timpu onom vuhan koiso toun diti, pulis pogun pinopoimagon 308 pinonugkuan kumaa kadai judi id pototongkop Sabah.

“Mazaa ponugkuan dino nakahantoi tokou minanaan 604 tuhun i kikotumbazaan nokogompit id suang judi dino. Nakapagaau nogi tokou 163 om computer i kikotumbazaan gunoon id suang abaabazan judi dino,” ka disido.

Pinopointahang poingonop kokomoi poguntaban kahasaan tavagat id Sabah, minoboos i Ramli mantad po Vuhan Koiso gisom Vuhan Koonom nakatahib kiginumu 2,751 kiis nosuat id pototongkop pogun, ino nopo nga 6.3 piatus piagahon timpu di miaga di toun nakatahib i nokoponuat 2,937 kiis.

“Gisom Vuhan Koonom nakatahib nakahantoi tokou minonguhan kiginumu 1,751 kiis ino nopo nga 63.6 piatus mantad ginumu dino om kogumuan kiis popoompit kiis manakau,” ka disido. Bernama

   
Email Print
   
 
 
E-browse