Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
SAPP wants public clarification on new electoral boundaries date |  Champs rest key players for final League match |  Man contracts JE disease in Sabah |  Unlock Art: Le Meridien chooses UCSF to celebrate Sabah’s unique cultures |  Koumohigan ahal di tavagat id Sabah, mositi intangan kozo |  Kusai, 21, noohian toluo JE id Sabah |  AirAsia to pay RM40.73 mln to MA Sepang |  AirAsia seeks partnerships, not rivalry – Tony Fernandes |  FPSK UMS serah semula Blok Klinikal HQE |  'Sanzac Fun Run' rai sambutan jubli emas SMK Sanzac |  Snek pisang Hafiszuddin semakin berkembang di Sabah |  APMM serius tangani pencerobohan bot nelayan asing masuk perairan Sabah |  Wanita miliki produk tidak berdaftar KKM didenda RM5,000 |  Suami isteri dihadap ke mahkamah tuduhan tipu lelaki |  Tiga lelaki mengaku tidak bersalah tuduhan merogol | 
 Kadazan Dusun

PONOIHIAN MONTOK MONGUKAB MAHIK KOTINANAN PAAI SABAH

160718-junz
Junz

16th July, 2018

KOTA KINABALU: Komontilian Pomutanaman om Pomounan Taakanon Sabah, maso monoihi miampai positif kokomoi dati do pongukaban mahik do Kotinanan Paai Sabah (LPS) i zinozop di 1981.

Mantad diho, minoboos i Montili dino, Junz Wong, do iso tinimungan teknikal tuidongon montok monoihi om nogi monoinig savi avi aspek om pombiian poguhui monoodo nuununu koputusan.

“Soihion nogi dagai nundoiton om nontodonon do LPS zinozop di poguhui diti.

“Kotumbozo zou miampai pongukaban mahik do LPS tu adadi iho komponen kiguno id kotundaan habus kakadazan om nogi popoingkavas kosindakon do mobuubuvat paai,” ka disido id iso kopoihaan di koniab.

Id komi kotihombusan, minoboos i Wong, do Sabah nokolikood 70 piatus gontob humansan sondii do vagas di poguhui pinonutuban do LPS, poingkuo po, baino diti piadangan dino kivaa po kiikila 26 piatus.

Tu ahal sandad posoihi vinoun dati i manaak vaza talaat kumaa kahabusan vagas vinoun, kivaa piipio atag mamasi mahik do LPS binuzu ningkokoton vagas sabaagi komoditi koumohigan taakanon, ka disido.

“Montok ponuidongan mahik do LPS, mositi zikoi monoihi aspek di togumu kaampai no kahabusan asil, proses, pasalan om pongudalan vagas.

“Tu vaig nopo nga komponen kiguno kozo id kahabusan asil vagas, mositi zikoi monginvagu om momo’uang vinasi do sistom pomuvaigan nung kumaandak mongukab mahik do kotinanan diti,” ka disido.

Minoboos i Wong, do teknologi kavavagu kapahabusan vagas nga soihion nogi mahik, miaga toi do teknik System of Rice Intensification (SRI) i gunoon miampai poinhaab id Indonesia.

Minoboos isido do suvai ko pananaman paai di kivaa poinsandad id Sabah, iho nopo nga id Tuaran, Kota Belud, Kota Marudu, Papar, Tambunan om Keningau, uvang suabi di kivaa kahansanan nopo nga id Sook, Trusan Sapi om Kinabatangan.

“Iso mantad tundoonok nung tuidongon mahik LPS diho nopo nga mantad ahal pomogunaan tana om saiz om nogi sistom timpu di mositi uhanon,” ka disido. -Bernama

   
Email Print
   
 
 
E-browse