Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

Pulis Sipitang nakahantoi minamagakom om minagaau misin judi

12th July, 2018

Di AHMAD APONG

SIPITANG: Boogizan Koponoizukan Kahasaan Tavagat id uvang diti nakahantoi minonoodo piipio pamagakaman om pagaavan mesin judi computer id posoihi Sipitang.

Huguan Pulis Uvang DSP Sabarudin Bin Rahmat minoboos dino id suang iso pitimbungakan abal id Hongkod Upis Pulis Uvang Sipitang di Tadau Kotohu.

Nakahantoi tokou minamagakom om minagaau 14 kiis misin judi siber om nokoponoizuk kiis diti id siibo Seksyen 4B (A) Akta Rumah Judi Poingukab 1953 (Akta 289).

Izioho di kogompit dawahon id siibo sakadai undang-undang di kivaa no haid.

Mamason zou tuhun ginumuan mooi au toomod gumompit miampai judi i aiso lisin om boogizan pulis au monukop id suang abaabazan judi diti, ka di Sabarudin.

Boogizan pulis maamaso popolipat pongkimamaan mongintong abaabazan judi id uvang Sipitang om mamagakom isai nopo i kogompit kaampai no wahui om abaabazan judi mesin i momoguno do tolifaun piovit-ovit, ka di Sabarudin.

Mimang tokou uvang Sipitang diti koinsodu mantad abaabazan judi aiso kasagaan om izioho di kogompit dawahon om soizukon id siibo Seksyen 4B (A) Akta Hamin Judi Poingukab 1953 (Akta 289).

“Baino diti saviavi mesin ngaavi dino i nogi computer pinunso om momohou nogi tokou piipio upisol takavas om Upisol Koupisan Sandad Posoihi montok sumasi pomunsaan misin ngaavi diti”.

“Momunso tokou misin ngaavi judi diti mazaa lahan E-Waste kopitanud miampai kootulan kalaja standard (SOP) i ginoisan do Koupisan Sandad Posoihi (JAS) om ponunsaan diti nogi kosudong miampai konsep “Go Green” montok mongintong aiso kozomutan antakan,” ka di Sabarudin.

Nokotindapou nogi suminasi pomunsaan dino Upisol Koponoizukan Kahasaan Tavagat Sipitang ASP Jamiri Bin Kintai , Panakadai Upisol Uvang Jupri Etok om tohu tuhun Upisol Takavas mantad Koupisan Sandad posoihi miampai duvo tuhun kuntilikto momuu balang di pinunso.

   
Email Print
   
 
 
E-browse