Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

PISOKODUNGAN TMP PIAHATAN M'SIA, PHILIPPINE OM INDONESIA MOSITI POTINDOOI

12th July, 2018

LAHAD DATU: Kapapanaai pisokodungan tinimungan koumohigan Malaysia, Indonesia om Philippine id suang Trilateral Maritime Patrol (TMP) montok monguhan sangod tosiou miampai kantakan kahasaan tavagat tumahib pivohitan id Laut Sulu, mositi potindoozon.

Panglima Wilayah Laut 2, Susumangod Daat Diraja Malaysia (TLDM) Laksamana Muda Datuk Ganesh Navaratnamberkata pongkimamaan TMP dino kapanaak asil tavasi songian aiso kantakan ponugkuan toi ko manazang antakan mantad po pisokodungan dino pinointutun ontok 2017.

“Iti kopokito koponoizukan TMP i okon nopo id daat, nogi id tavan miampai miamung ponohinuan piahatan tohu pogun diti nakahantoi miampai pinopokito TMP kapanaak kovosian kumaa tinimungan maritime id Zon Koumohigan Kohisaon Sabah (ESSZone),” ka disido.

Nasamanan isido id lamai koponoimaan Aidifitri id savat Kapal Auksiliari Tun Azizan kopiondot pisamanan TMP piahatan Kapal TLDM KD Todak miampai Kapal Susumangod Daat Philippine (TLF) BRP Miguel Malvar id doiti, songkoniab.

BRP Miguel Malvar hinuguan di Komander Richard Rosales.

Lamai dino naampazat nogi mantad tinimungan koumohigan kaampai no Uvang Koumohigan Poimbida Tisan Kohisaon Sabah, mogiigizon Kampung om Ponoinaan Felda Sahabat.

Ganesh nga humansan kapapanaai pisokodungan dino aanu popoinsavat vagu mazaa pinghudaan susumangod miampai tinimungan piomungan kopoihaan ponohinuan.

“Suvai mantad dino, pisamanan miaga diti (lamai Aidilfitri) kikahansanan kaanu popoinsavat kahansanan piahatan dotokou (tinimungan koumohigan) om mogiigizon miampai mongintong dahabus,” ka disido.

Minoboos isido TLDM, hoohobi no kozo Markas Wilayah Laut 2 miampai tambahut kalaja au miduvo kumaa boogizan koumohigan om tuutulus popoinsavat kotoundaan miampai panamangan id pitakasan tisan kohisaon Sabah.

Pisamanan KD Todak miampai BRP Miguel Malvar nopo nga koinsan nogi kapahas koponoizukan TMP ko-11. Naamot dino, Rosales nga miampai tangangazan miampai di Ganesh do mantad po TMP tinoodo aiso ponugkuan toi ko manazang nantakan.

“Pisokodungan piahatan Malaysia om Philippine dino koumohigan maritime nopo nga avasi kozo, hoohobi no kozo id suang monguhan ponginaman koumohigan id pitakasan om gisom baino, songian kuang hobi onom gisom vahu vuhan koponoizukan (BPR Miguel) miampai Malaysia, aiso kinantakan manazang nosuat,” ka disido. Bernama

   
Email Print
   
 
 
E-browse