Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

Komulakan labus kakadayan kiguno monongkiahou kosiwatan mongingkawas komilaan: Ewon

11th July, 2018

Di MARRYAN RAZAN

KOTA KINABALU: Mogiigiyon labus kakadayan loolobi no komulakan kiguno monongkiahou kosiwatan mongingkawas toilaan maya’ mogisusuai ababayan pingludaan om komilaan mooi do lobi koponokitopong, potilombus dino kapasanang diolo’ sumuang id pidagangan karaja’ suai ko’ monguhup poposindak pomorunan nokoiyonon id pidagangan sompomogunan.

Montiri Kopotundaan Labus Kakadayan Ewon Benedick minoboros, koporintaan manahak koposuulan id kopongonjuran ababayan ngaawi’ dilo’ i kipounaian popoburu’ labus kakadayan potilombus dino mogowit do mogiigiyon kampung id kopotundaan poinggayo loolobi no id kaganaan komilaan om kabaahan pomorunan.

“Pensijilan Komilaan nookunan do Pomorunan Malaysia pinoposodia’ waya’an karaja’ om kopotundaan tinan i koimbayat kotopong di waya’an karaja’ mimpau kosudongan akademik.

“Nogi’, Persijilan Kemahiran Malaysia (SKM) kaanu mongimbulai pakakaraja’ kikomilaan noluda’ om kikosudongan montok mongingkawas ginoris monokitopong pomorunan nokoiyonon id pidagangan pomogunan.

“Mantad no do haro setifikit SKM , tongo’ tutumanud kaanu mongupalai tumanud ababayan kousahawanan kopogompit do ababayan Usahawan Mobilepreneur om Kapanakadaian Pongindopuan id sahau KKLW (Komontirian Koburuon Labus Kakadayan om Watas),” ka disio.

Minoboros isio id ababayan Kinapatahakan SKM miampai kinopongokunan Naangayan Nokopogulu (SKM-PPT) id Lintuhun Vinusak Hotel, 1Borneo do hiti di konihab.

Nokotindapou po nogi’ i Potunud Koupisan Koburuon Malaysia (Kemas) Sabah Shahrulnizam Jantan om i Monguhup Potunud Kopotundaan MOgiigiyon om Balajaran Komilaan i Rugaya Abdul Mumin.

Ka di Ewon, koporintaan nga’ toririmo nogi’ do mongunsikou om mangakun di tonggungan nogi’ toluod do mogiigiyon labus kakadayan id kopotundaan pogun.

“Kogompitan mogiigiyon i aparagat id mogisusuai ababayan kaampai no tongo’ ababayan ikonomi om sosiol doid koinsanai nayatan kosuul kopio id pinggisoman popogura’ do ababayan kumaa koponigompotan pogun koburu’.

“Kohondot dilo’, KEMAS kapapapanau tonggungan tosuul id kopotundaan mogiigiyon labus kakadayan kopiongoi di Malaysia Wagu om Sabah Wagu, miampai tumongkop id poliliput nokoiyonon potilombus dino minsomok do mogiigiyon labus kakadayan maya’ mogisusuai ababayan kikoundaran kumaa diolo’,” ka disio.

Minoboros isio do koporintaan pinopoindalan mogisusuai ababayan i paptahak koposuulan kumaa mogiigiyon labus kakadayan id pinggisoman montok montok papabantug om popoburu’ modal insan mogiigiyon kampung mooi do lobi koponokitopong om ouli’ nogi’ amu’ oiduanan mantad koburuon pogun.

Kohondot dilo’, Persijilan Komilaan Malaysia Ababayan Persijilan Malaysia i pinoindalan do KEMAS nopo nga’ iso’ mantad pinggisoman do Komontirian Kopotundaan Labus Kakadayan (KPLB) montok monguhup mogigiyon labus kakadayan i kiharo komilaan mantad mogisusuai kaganaan nga’ aiso’ SKM.

“Ababayan i pinoindalan nopo diti nga’ iso’ ababayan i kopokito kinalantaion do KEMAS papagaras ikonomi mogiigiyon labus kakadayan.

“Mantad haro kopongokunan kumaa tongo’ tutumanud, koponguhup ilo’ diolo’ sumili songulun mongungusaha’ Mamasok di kalantoi do tohuri,” ka disio.

Noboros di Ewon do di toun 2017, soginumu’ do 120 tulun tuminanud persijilan dilo’ pointonod wulan Kaapat 2017 gisom wulan Kohopod om Iso’ 2017.

Mantad tintob dilo’ ka disio, 117 tulun nokopokito naangayan di osonong.

“Mamaramit setifikit kotopong di tongo’ graduan nakalabus Kotinanan Komilaan Malaysia (IKM) om tongo’ longkod nookunan JPK montok kaganaan om gontob komilaan atantu’,” ka disio.

Minoboros nogi’ isio do koporintaan pinopoindalan mogisusuai pinggisoman monguhup Mamasok sumili mongungusaha’ di kalantoi.

“Ababayan diti, iso’ mantad pinggisoman porinta’ ilo’ nopo nga’ manahak kapangahakan om pingludaan nogi’ manahak kopongokunan kumaa tongo’ tutumanud,” ka disio kawagu.

Id ababayan dilo’ 99 tutumanud id mogisuaian kaganaan komilaan kaampai o Bakery, Koposodiaan Takanon, Monombir, Koponombiran Kreatif, Kapamansaian Pastri, Koponguludan Bunga om Kapamansaian Posokoton Koonnduan sompoopori nakaramit setifikit.

   
Email Print
   
 
 
E-browse