Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pesta Rumbia harus dipertahan: KM |  Projek Agropolitan Gana perlu disiapkan segera: Shafie |  Agensi kerajaan diminta kembalikan tanah milik rakyat |  Liew: Permohonan dapatkan peruntukan bina 150 PPRT Kg Gas sudah dikemuka kepada KKLW |  Sabah bakal berdepan krisis pekerja ladang |  Poor finishing haunts Sabah again |  Mika wary of Kedah threat |  KK, Tawau in Group of Death |  SEPA: Study on Sabah energy should not be limited to coal |  Kuala Penyu to get new Ko-Nelayan building next year |  Six-man gang who mugged police constable arrested |  Shafie wants govt agencies to return the rakyat’s land |  Suspected child molester nabbed |  Sabah facing labour shortage in 10 years |  Onom sabap ra kua 7-Eleven ra Jipun moonsoi | 
 Kadazan Dusun

KPLB PAPAVAKAS ABAABAZAN MONGUMOHIG KOMOSIKINAN

11th July, 2018

Di MARRYAN RAZAN

KOTA KINABALU: Komontilian Kotundaan Habus Kakadazan (KPLB) papavakas vagu abaabazan pongumohigan komosikinan id pogun diti montok popoinsavat ningkokoton koposizon mogiigizon habus kakadazan.

Kogompit dino, Montili dino Ewon Benedick minoboos, mongintong isido mahik saviavi abaabazan pongumohigan komosikinan i tinoodo poguhui diti montok mongintutun nangangazan abaabazan dino.

“Minggu diti, monimpuun zou kotombuhuzan kumaa uvang ngaavi montok mongintong sondii nangangazan Abaabazan Pongumohigan Komosikinan hoohobi no kozo popoompit Abaabazan Mini Estate Sejahtera (Mesej) Piasau Mamau, Getah om Akuakultur.

“Angkab dino nopo nga montok mongintong sondii songkuo sinodu kahantazan abaabazan dino, mantad pot oi ino nakahantoi papavasi koposizon monongkibai abaabazan toi ko id sambahik dino.

“Uvang koiso i tombuhuzon ku nopo nga Kota Marudu om Pitas ontok Tadau Kohimo om Koonom minggu diti. Iti nopo nga sombogizan mantad kaandak ku id KPLB ino nopo nga mongintong mahik abaabazan pongumohigan komosikinan id pototongkop Sabah dumampot tuduvan di pinatantu,” ka disido.

Minoboos isido dino ontok nasamanan magaganu abal id Lamai Hamin Poingukab Hari Raya Aidilfitri KPLB, id Dewan Togumu guno KPLB, id doiti, di koniab.

Nokotindapou nogi Montili Balajalan om Inovasi Datuk Dr Yusof Yacob, Montili Kotundaan Infrastruktur Datuk Peter Anthony, Monunuat Pointatap KPLB Abu Bakar Hj. Abdul Latif, panakadai montok om upisol ngaavi uvang id pototongkop Sabah.

Minoboos i Ewon suvai ko abaabazan pongumohigan komosikinan, abaabazan suvai i onuan pongintangan nopo nga manaak hoogo kouangan abaabazan Mesej hoohobi no kozo Kotombuhuzan Desa om kapanadaan talun-alun habus kakadazan momoguno teknologi kavavagu kinontodonon getah (Rubberised Road).

Kokomoi kopomungaanan mahik institusi Komiti Koumohigan om Kobuuon Kampung (JKKK) om Komiti Kemasyarakatan Suang Kakadazan (JKDB) id pogun diti, minoboos isido ino popoompit kapahanan ngaan institusi, tatacara kopomihian, ginumu puu komiti, elaun om ahal suvai i kogompit.

“Ngaan kavavagu dino au apatut tumanud ngaan di tinoodo id Semenanjung ino nopo nga Kounsol Ponoinaan Komuniti, nga mimang tokou iso kointutunan Sabah i soosondi, kopokito tokou kivaa sistom kotoinaan sondii,” ka disido.

Minoboos isido kopomungaanan mahik dino popoompit guno institusi dino. “Guno dotokou papavakas, hobi tinazo om hobi vinasi mantad katatadaai JKKK poguhui diti,”

“Lahan pomihian JKKK vagu kosimban tu mangatag o layat kumaa dogo do demokrasi pomihian mositi dino kotimpuun mantad nazatan sunsud.

“Kaakun zou pomihian ponikoon (JKKK) pihion do mogiigizon kampung dino. Ontok timpu dimiaga, tokou mositi papavasi isai i kipotutan momihi. Humansan zou kaanu papahabus ahal diti id Kabinet ontok vuhan diti,” ka disido. Id lamai dino Ewon pinopotunui sakadai raya kumaa 30 tanak ngaavi mantad Maad Tahfiz nahdatul Ilmihan Taman Sempelang Sembulan.

   
Email Print
   
 
 
E-browse