Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Bid for youths to excel in education and sports |  Four Sabahans squash off for national duty |  Heads shaved in support of cancer-stricken children |  Six house break-in cases solved with arrest of trio |  RM1.4b lost to illicit cigs, liquor trade |  Big plans for Zamboanga-KK flight |  ‘Marrying off daughter does not end poverty’ |  Restoring Sandakan's glory as business, tourism centre |  Voice Out festival on Sept 29 |  Sabah silat records best-ever achievement |  Produk kukumaon hongon kinoizonon - JAF Handmade Collections |  Kopogohimuvan mositi uhanon tu koovit tanda kumaa ikonomi pogun |  Dadah kihoogo RM77,000 nagamu |  Say No To Shark Fin Soup |  Nazir to step down as CIMB group chairman | 
 Kadazan Dusun

Kuasa' okon ko' montok popopuavang sondii': Tun M

10th July, 2018

PUTRAJAYA: Huguan Montili Tun Dr Mahathir Mohamad di koniab pinoposoou noina ngaavi om pakalaja polint a montok au momoguno kuasa di tinaak montok kopotutan sondii, paganakan toi ko tambahut.

Minoboos ontok pisamanan miampai tinimungan Koupisan Huguan Montili id Louting Putra, minoboos isid kiguno montok potitikid pakalaja polinta momoguno hoogo tangabaakas id suang papanau kalaja dioho.

“Kuasa di tinaak okon montok maganu pinuavangan nga kuasa di tinaak montok angkab nakatantu montok monoina pogun koginavaan miampai tavasi dati om tokou kivaa kabaahan di gunoon miampai hoogi koposizon di tabaakas,” ka disido.

Sundung i do ingkaa, minoboos i huguan montili somoonu songiankaanu kosivagan montok monoodo nuunun montok sondii, kivaa boogizan di kohisang om kohiiu kalaja dioho.

“Au tokou manaak kuasa id nazatan diti montok popuavang sondii nga mooi kaanu papanau kalaja nakatantu.

“Iti no saasabap dino kikuasa tokou, songian nopo humasa tokou, humasa kuasa, kotumbazaai no tokou sondii adadi munggui touvi dino,” ka disido.

Minaganu pomitanan koubasanan om hoogo di noguno id pogun nokobuu, Dr Mahathir minoboos kogumuan layat om kotoinaan dioho kotoboi pakalaja, kitonggungan, avakas om minsingiho maganu toihaan.

“Izioho nga momoguno onu i pininsingihaan om koubasanan hoogo koposizon di tabaakas om mamadadi dino vookon koubasanan koposizon,” ka disido.

Ka disido kivaa pogun di au songkuo nokobuu tu layat om hoohobi no kozo dino kotoinaan pogun au izioho mongingit kumaa kihoogo tangabaakas.

Tumanud di huguan montili sundung tu Malaysia au kaanu dumadi pogun nokobuu koikatan 2020 miaga di piangkab-angkab, nga pogun kakal kaanu dumampot kointutunan dino tu layat pogun diti kivaa kabaahan.

“I gunoon nopo nga kotuhidan, tonggungan, kotoboi om kopoguhu no kozo asangaban ginavo miampai asil kalaja okon miampai onu i aanu dotokou,” ka disido.

Ka di Dr Mahathir vagu,montok dumampot hizab pogun kobuu nga au apatut dino poinhansan kumaa sambayang no.

“Nakasambayang tokou kumaa minamangun nga nogi mositi susuutonon miampai haang mantad dotokou… tokou sumambayang no pokionuon nga au monoodo do nuununu mantad dino saviavi angkab dotokou au mikot mogisusuut toi ko tumuhud kumaa dotokou,” ka disido.-Bernama

   
Email Print
   
 
 
E-browse