Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah aqua farmers fume at SST |  ATM tumpas cubaan menyusup masuk 67 PATI |  Chance for muay thai practioners to develop their skills |  Three-point deduction costs Tawau semis berth |  Man attacked friend with machete over durians |  Police catch 10-man bird’s nest gang within 24 hours |  Five escaped unscathed in lorry-4wd crash |  3,000 lanterns, lion, dragon dances for 2019 CNY bash |  Setup tour packages to revive Labuan tourism |  Liew sambut baik keputusan terus agih bantu persekolahan |  Domino’s aims to dominate |  Agrobank launches Agro Mabrur-I takaful card MAHA 2018 edition |  Proton to assemble X70 locally after completion of plant expansion |  Hobi 57,000 mogiigizon pointatap nakaanu koponompogunan |  Onom kusai nadawa minogovit migran tuhun Philippine | 
 Kadazan Dusun

Mongingia id Sabah mositi adadi koovit kosimbanon balajalan

10th July, 2018

KENINGAU: Vozoon Montili Sabah Datuk Seri Mohd Shafie Apdal minoboos, noikot nodii timpu mongingia ngaavi id pogun diti popolipat pongkimamaan dioho montok dumadi mogovit kumaa kosimbanon balajalan id Sabah om nogi Malaysia diti.

Ka disido, koinsavatan diti kiguno saasabap no do Malaysia baino maamaso pougadan kumaa timpu pogun kobuu id nombo ikonomi mositi oviton mazaa kosimbanon balajalan.

“Mokianu ou tema “Guru Pemacu Transformasi Pendidikan’ pointahangon do saviavi mongingia montok mongintong angkab polinta montok popoimbuhai pomitanan tuhun di kahantoi, abaa om inovasi.

“…Mongingia mositi kopiuman kosimbanon diti kumaa mamadadi pogun diti kobuu om kitangazan takavas ontok timpu mikot,” ka disido kopiondot Lamai Koponoimaan Tadau Mongingia Nazatan Uvang Keningau 2018 id Dewan Sikul Jenis Keabangsaan © Yuk Yin Keningau, di koniab.

Tekas pason di Mohd Shafie pinohombus di Panakadai Montili Balajalan om Inovasi Sabah Jenifer Lasimbang id dewan Sikul Jenis Kabangsaan © Yuk Yin Keningau. Nokotindapou nogi Panakadai Montili Kotundaan Habus Kakadazan Sabah Rasinin Kountis om Upisol Balajalan Uvang Keningau Masly Wahip.

Minoboos i Mohd Shafie polinta pogun om polinta hongnkod hoohobi nokozo mazaa Komontilian Balajalan Malaysia tomoimo mongkimamaa montok moguhud om monoodo abaabazan balajalan id lahan pointantu.

Minoboos nogi i Mohd Shafie, tinimungan mongingia id pogun diti nopo nga tuhun di nokountung kozo tu id suang hivang kalajala di uha abaakas om tomoimo kosudong poompus timpu.

Mantad dino ka disido, koponoimaan tadau mongingia potitikid toun apatut lamazon sabaagi tanda pamahagaan kumaa kotuhungan miampai sakadai mongingia ngaavi di au ohoogo ka disido.

“Kopiuman tokou, nung okon mongingia isai no tokou baino diti… sakadai diozu (mongingia) akavas kozo kumaa saviavi mogiigizon,” ka disido.

Id lamai dino, mongingia nokopinsin, Iskandar Amat mantad Kampung Patikang Laut, Keningau om Justin Asok @ William mantad Tambunan i tososonguhun nakakalaja kihinaid do 38 om 33 toun id suang boogizan mongingia nopihi sabaagi Tokoh Mongingia uvang Keningau 2018. Bernama

   
Email Print
   
 
 
E-browse