Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
AmBank Islamic introduces Personal Financing-i |  Malaysia's 2021 growth rate expected to be at 6.6 pct – APIB CEO |  Kartel daging: kada’ komoyo’ nasalasai, KPDNHEP amu’ po ‘nokopomoug’ |  42 pain raha’ notimung id Keningau |  Pengguna jalan raya Beaufort ke Sipitang merayu pihak JKR dan pihak kontraktor perbaiki lebuh raya rosak |  Ketika sastera New Sabah Times berikan kita kenangan |  Sukarelawan tempatan sumbang barang makanan kepada 160 keluarga terjejas PKPB |  42 pain darah berjaya dikumpul anjuran Persatuan Jiang Man Wu Yi |  Perintah berkurung di perairan ESSZONE dilanjutkan 15 Jan |  Ucapan terima kasih, penghargaan untuk NST |  COVID-19: Polis adakan sekatan jalan raya di kawasan penempatan UNHCR Labuan |  NEW SABAH TIMES AKHIRI PENERBITAN |  Juliani to spearhead Sabah |  Cataract patient gets back normal eyesight with aid from RCKK Pearl, EyeMedics Specialist Eye Centre |  UMS PhD students shine at international conferences | 
 Kadazan Dusun

JPPP popotounda profil tikid uvang montok mamagazat papapaapu

6th July, 2018

KOTA KINABALU: Komontilian Pidagangan om Pomounan Sabah, maza do Koupisan Kotundaan Pomounan om Ponoizukan (JPPP) popotounda profil koumatan om nogi abaabazan kotundaan ekonomi id tikid uvang id Sabah, sabaagi pnoihian om mamagazat hobi ginumu papapaapu habus.

Minoboos i Montili dino, Datuk Seri Wilfred Madius Tangau, do profil koumatan diho vookon suvai kisuang nogi kopoihaan kogompit kouhanan koumatan di pinotounda miaga do infrastruktur, koumatan utility om nogi tapanazan koiso do ekonomi mogiigizon om kahansanan do kotundaan ontodonon di kivaa id uvang nokomoi.

“Id sampaping popobii kopoihaan profil uvang kumaa do papapaapu ngaavi, montok papavasa dioho mongiho om susuutonon dino do papapanau ponoizukan kotihombusan do viability (vinakas kobuuon) tudon di paatagon, papapaapu ngaavi nga pviton nogi id uvang ngaavi nokomoi montok mombii ningkokoton totopot do koumatan di pinotounda,” ka disido.

Noboos disido iti di ontok suminimba tudizo di Datuk Limus Jury, (UPKO-Kuala Penyu) id pitimbungakan Hintuun Koundangan Pogun (DUN) Sabah, doiti di koniab.

Minudizo i Limus, kokomoi nuu pinggisoman papanaon montok mogovit hobi ginumu papapaapu toi pomounan id uvang ngaavi suvai id Sabah, suvai ko pongumbanganan id hivang Taman Perindustrian Kota Kinabalu (KKIP).

Madius, isido ponogi i Kumoduvo Vozoon Montili Sabah, minoboos do sabaagi poombitanan, ponoizukan toniibo do profil om kotundaan ekonomi id uvang Papar, Beaufort om Kuala Penyu, piipio ontodonon do nointutunan kivaa kahansanan montok tundaon, hobi no kogompit do pomounan kotombuhuzan miaga do kinuama hongon, proses tuva uva kinoizonon, pomounan kakamot suang hamin om nogi produk poingimpau do petroleum.

“Kopoihaan diti pointantu no kaanu manakadai do papapaapu ngaavi monoodo ponoizukan tosoinid montok mongintutun hobi ginumu do projik kilang di kaandakan pobuuon id uvang ngaavi nokomoi,” ka disido.

Minoboos i Madius, do papapaapu ngaavi kitukuan tagazo maganu tavavagat id piipio faktor hobi no di kogompit miampai ontodonon di kivaa poinsandad id uvang dino, kaampai no koozuvo koumatan infrastruktur, iho nopo nga lolokiton om koumatan utility.

“Id koihaan do kivaa tundoonok montok papapaapu habus, hobi no montok papaapu id uvang habus kakadazan sabaagi iso kosivatan montok papavakas do popopobuu kinoizonon, mantad diho do maza tokou do abaabazan Iso Uvang Iso Industri (SDSI) maganu piipio ponginsomokan om nogi haang pointantu mooi o popopobuu ngaavi kinoizonon, hobi no do kilang ngaavi do kaanu mimang buu.

“Komontilian ku nga misokodung nogi miampai oginsi pisompuuvan miaga do SIRIM Berhad om Kotinanan Kotundaan Pidagangan Habus Malaysia, papaanjul do kursus om nogi pinghudaan di kogompit montok popoingkavas koimauan do popopobuu kinoizonon mooi do kaanu izioho papahabus produk di kivaa kualiti om kompetitif id nazatan global,”. -Bernama

   
Email Print