Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
RM1.4b lost to illicit cigs, liquor trade |  Big plans for Zamboanga-KK flight |  ‘Marrying off daughter does not end poverty’ |  Restoring Sandakan's glory as business, tourism centre |  Voice Out festival on Sept 29 |  Bid for youths to excel in education and sports |  Sabah silat records best-ever achievement |  Produk kukumaon hongon kinoizonon - JAF Handmade Collections |  Kopogohimuvan mositi uhanon tu koovit tanda kumaa ikonomi pogun |  Dadah kihoogo RM77,000 nagamu |  Say No To Shark Fin Soup |  Nazir to step down as CIMB group chairman |  Proton kicks off X70 SUV previews |  Malaysia Airlines unveils new MHchat |  140 ditahan AADK sejak Jan hingga Sept | 
 Kadazan Dusun

TODOON KALAJA MIAMPAI OTUHID MONTOK LAYAT: YUSOF

14th June, 2018

KOTA KINABALU: Pakalaja Komontilian Balajalan om Inovasi pinosoou montok tuutulus monoodo kalaja miampai poimponu tonggungan montok kopotutan layat.

Montili Balajalan om Inovasi, Datuk Dr Yusof Yacob minoboos, ikoton dino nopo nga kumaa pongkimamaan monuhung layat om monuidong pomitanan tuhun di kahantoi.

“Sundung tu misuvai pilotian agama toi ko pulitik nga tokou pointatap misompuu monoodo tonggungan di tinaak.

“Kada tokou dumadi ekstrimis toi ko noindadamaan i koovit agama sabaagu tobon kahasaan di todoon dotokou tu aiso agama id pomogunan i mongia pitongkizadan,” ka disido ontok Lamai Mongukab Puasa id doiti, totuvong Tadau Koduvo.

Id lamai dino, pinopotunui isido sakadai kuminaa di Mahaad Tahfiz Mosogit Kota Kinabalu kaampai no 15 susumikul om 10 asnaf mantad dioho mohoing tondu notongkizadan miampai tanak aiso mohoing.

Lamai nga giningo miampai tazkirah Ramadan di Ustaz Shahir Ismail, Pensyarah Boos Arab om Tamadun Islam Institut Balajalan Mongingia kampus Gaya miampai kopomoiganan kopomuuvan sakadai montok Tozibut Kotundunan Syria.

Nokotindapou nogi Panakadai Montili Balajalan om Inovasi, Mohammad Mohamarin om Jennifer Lasimbang, Puu Dewan Koundangan Pogun Pitas Datuk Bolkiah Ismail miampai Potunud Balajalan Pogun Sabah, Datuk Hajah Maimunah Haji Shaibul.

   
Email Print
   
 
 
E-browse