Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
We are not traitors, says ex-youth chief |  Labourer accused of stealing RM400 had throat slit |  Promising start for Sabah junior shuttlers |  Peter is new Safa Supremo |  Potihombuson sunduvan guminavo pogun – Shafie |  KD Mahawangsa TLDM pinongimbayat Tadau Poingukab Mawilla 2 |  LHDN Sabah nokopouhu RM7.5 maya’ PKPS gisom ko 10tw Kohopod |  Attaining certain qualities critically needed for youth to face educational challenges |  DoubleVerify provides fraud filtering solution for advertisers globally |  MITI, MIDA, Intel hold IoT forum to review progress |  Pelajar Universiti hilang langgar pantang larang di Sabah |  Ewon: Lebih RM1.8j dividen dibayar 774 peserta Ladang PPRT Tongod |  Program pemutihan PATI tidak akan dilakukan kerap, kata Mohd Azis |  Masyarakat manfaat Hari Kapal Terbuka di MAWILLA |  Kes kematian pekerja ladang, polis giat kesan suspek | 
 Kadazan Dusun

Ponuuan umuvung id ESSZONE nooputan gisom 28 Vuhan Koonom

13th June, 2018

KOTA KINABALU: Ponuuan umuvung id uvang pitakasan tuu uvang id suang Zon Atampasi Kohisaon Sabah (ESSzone) i nopupusan di jam ko 6 minsosodopon nooputan gisom 28 Vuhan Koonom, ka di Pesuruhjaya Pulis Sabah Datuk Ramli Din.

Minoboos isido miampai kopoputan dino, izioho di poingizon id uvang dino pokionuon id suang hamin om au pasagaon sumuang uvang pitakasan piahatan jam ko 6 gisom 6 minsusuvab poompus timpu dino.

Id suang kointahangan dino id doiti, minoboos i Ramli ponuuan umuvung dino popoompit uvang pitakasan uvang Tawau, Semporna, Kunak, Lahad Datu, Kinabatangan, Sandakan om Beluran.

“Tuhun suvai au pasagaon sumuang toi ko id uvang di nokoimagon piahatan jam ko 6 minsosodopon gisom 6 minsusuvab ontok tadau di pinoboos,” ka disido.

Ka disido ponuuan umuvung dino pitihombuson montok mongintong uvang pitakasan dino au osuang tuhun tosuau i mogundonok koumohigan monoizuk sompomogunan i papanau koponoizukan om kotombuhuzan dahabus i tumombuhui pulau ngaavi podtuongisan.

Ino nogi kiangkab mamajamin koumohigan om sinuau layat Sabah i mamadadi momoguno pitakasan miampai layat id uvang tinda ESSzone.

Minoboos i Ramli tumanud kopoihaan, tinimungan militant Abu Sayyaf om izioho i papanau abaabazan manazang montok koonuan usin pamaganti mantad koibutan Philippine kakal kuminam sumuang montok monoodo manazang om kahasaan tavagat tumahib pivohitan.

Minoboos isido ponuuan umuvung dino nogi montok monguhan mongunguasa om mongintong kumaa kapapanaai padau miampai kopoimbuhai topiumanan atampasi om otumbazaan kumaa popobuu chalet om monginsada miampai koikatan kapal puu koumohigan id posoihi uvang dioho.

“Manaak zou nogi kuasa kumaa saviavi huguan pulis uvang id uvang ESSZone monotk papahabus poompit kumaa mongupalai di kipotutan montok angkab abaabazan ponginsadaan toi ko kivaa kogunaan di kopononsog montok mazaa uvang ponuuan umuvung,” ka disido. Bernama

   
Email Print
   
 
 
E-browse