Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

Nataan do pulis songuhun kusai om nakapagaau sandata

13th June, 2018

MARLINA MACPEE

LAHAD DATU: Nataan do pulis songuhun vagu kusai, montok monuhung koponoizukan kokomoi kiis manakai kabel om tambaga do Palm Oil Industrial Cluster (POIC) sanganu miampai nakapagaau iso bakakuk om duvo sinapang tongus.

Huguan Pulis Uvang, ACP Hamzah Ahmad minoboos, i natandasan tuhun kinoizonon kiumul 33 toun dino tinaan id iso hamin aiso numbul id Kampung Keliatan kuang hobi jam ko 10 totuvong.

“Pinamagakaman dino pinopoimbuhai di natandasan do kivaa nogi bakakuk, duvo sinapang tongus i hinosok id uvang piasau mamau id Kampung Bulus Batu 8, Talun-alun Tengah Nipah i nogi gunoon montok magasu id lahan aiso kasagaan.

“I natandasan tinaan naamot tuu tadau nokotimpuun di Tadau Kohimo nakatahib om koponoizukan kiis kakal potihombuson,” ka disido id pitimbungakan abal id doiti, di songkoniab.

Naamot dino minoboos i Hamzah, asil mantad sumusuut koponoizukan di pinapanau boogizan noihaan i natandasan tinaan dino nopo nga tobpinai tootopot kumaa di natandasan koiso kiumul 48 toun i tinaan poguhui diti mazaa Ops Cantas di Tadau Koduvo nakatahib, tu noihaan nokogompit id abaabazan manakai di miaga.

Kogompit dino, ka di Hamzah kiis soizukon id siibo Seksyen 379 Kanun Koponinduahan i koovit ukum takavas no kozo tuu toun tolungku toi ko danda toi ko duuduvo dino id savat kahasaan manakau om Seksyen 8(a) Akta Sandata 1960 i koovit ukum tuu toun tolungku, danda RM10 ngoibu toi ko duuduvo dino nung kogompit kahasaan tu kivaa balang sandata.

   
Email Print
   
 
 
E-browse