Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah getting popular for incentive tourism - Liew |  Sabah to proceed with TAED and dam |  Peter wants Tambadau fans to be the 12th man |  SOSKK: Scrap the Tanjung Aru Eco Development (TAED) Project |  Four teens charged with murder of eatery owner |  Resort gives international boost to Sabah indigenous handicrafts |  Bagas PPD Ranau pinili mamaramit ‘Tokoh Guru’ |  Duvo mananakau i sumuang hamin nasagkom id Sandakan |  Komontilian Kohidasan pokionuon mongintong ahal koumohigan om kohidasan pakalaja |  Developing Sabah education system via federal and related agencies support |  Petronas Chemicals and Scomi to jointly develop, market chemical solutions |  DirectD launches Huawei purchase awareness campaign |  Lim: Inheritance tax will not be imposed in Budget 2020 |  Program kebudayaan mampu mantapkan perpaduan masyarakat |  Eddika juara Mr Kaamatan, Petra johan Unduk Ngadau anjuran Keningau Mall | 
 Kadazan Dusun

Feyrojoyce Unduk Ngadau Kaamatan Labuan 2018

15th May, 2018

Di JAINUDIN DJIMIN

LABUAN: Nonuan gaa Unduk Ngadau i Feyrojoyce Stannis, 22, kopiondot Kalamazan Kaamatan nazatan pogun Tana Pisompuuvan Labuan 2018, i nakaanjul id Hintuun Blessed Sacrament, somok doiti di tadau Minggu nakatahib.

Feyrajoyce, i poingkalaja sabaagi kalani id iso komponi swasta do doiti, minogovit minuhi vava usin mitunui RM1,200, iso sasavaan, panaakan sikulasip kigatang RM10,000 mantad do Nort Borneo Universiti Kolej Kota Kinabalu, produk kogingahan Mary Kay, mahkota om sijil.

Hansanon nogi zosido do Labuan id Piboian Unduk Ngadau Kalamazan Kaamatan nazatan pogun Sabah, id Hintuun Hongkod Koisaan ontok kohimpupuson vuhan diti.

Id koduvo nopo nga nobuntut di Valentina Day, 23, nokotoimo vava usin mitunui RM900, iso sasavaan, produk kogingahan Mary Kay om Sijil.

Naamot id kotohu nopo nga nosinganu di Sunday Grace Justimus, 23, miampai nokotoimo vava usin mitunui RM700 iso sasavaan, produk kogingahan Mary Kay om sijil. Nakahantoi nogi zosido do tungkap Miss Popular Sosial Media Facebook.

Apat vagu minumpazat do suvai, i pinoboos nogi sabaagi mononongkibai tavasi kozo, i Mary Jane Tay Mei Theng, Cleoiona Johanis, Suzziereen Helly Guan Poh om i Clarion Embourus.

Naamot diho, abaabazan kapataakan vava Unduk Ngadau nopo nga pinotunui di Polosidin Koisaan Koubasanan Kadazandusun (KDCA) Labuan, i ponogi Poniikon Mangazu Lamai Kaamatan, Peter Pikul.

   
Email Print
   
 
 
E-browse