Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sepanggar eyeing unique double |  Haze: Slight increase in treatment of Sabah patients |  Another biker killed while overtaking |  Chief Minister launches annual Foh Sang Mooncake celebrations |  Sambutan Hari Ozon Sedunia tingkat kesedaran pemuliharaan alam sekitar, kata Rozman |  Preserving the environment by teaching children to love it |  SICC to be ready in December |  Kopotundaan id watas Parlimen Pensiangan onuan koposuulan |  Molohing kiguno manapad pomogunaan kakamot elektronik do tanak |  Program One Stop Help Center (KAWAN) mudahkan rakyat: Rozman |  52 individu ditahan atas pelbagai kesalahan dadah di KK |  Buruh terbunuh motosikal bertembung pacuan empat roda |  Kerajaan akan ambil perhatian masalah penduduk, kata Peter |  Kerajaan perlu bantu golongan profesional muda: Razali |  Jerebu beransur pulih Okt ini: Issnaraissah | 
 Kadazan Dusun

617 HUGUAN KOHAMINAN MANTAD 16 KAMPUNG NAKAANU TANA MAZA GALAN KOMUNAL

7th May, 2018

Di MARUTIN ANSIUNG

NABAWAN: Soginumu 617 huguan kohaminan mantad 16 kampung id uvang diti nakaanu tana maza pongungkapan Galan Komunal, i kopogompit tana sohinaab 9,700 ikal.

Geran Komunal diti i mantad do duvo tinimungan, iho nopo nga Tagol 1, i kopogompit onom kampugn om kopogompit 140 huguan paganakan miampai hinaab 700 ikal om Tatalaan 2, kopogompit opod kampung (477 huguan paganakan) miampai hinaab 9,000 ikal.

Kapataakan Geran Komunal diho pinoimagon di Vozoon Montili Sabah, Tan Sri Musa Haji Aman, kopiondot do Roadshow Yayasan Sabah Sangavian Layat Nazatan Zon Sokid Kabaatan, Karnival Tapanazan Kopongindapuanan om Mobile CTC id Dataran Nabawan, doiti di koniab.

Di kpoguhui diho, id pason kinopomoiganan do abaabazan i notindapou do 5,000 tuhun, minoboos i Musa do kopongungkapan Garan Komunal diho nakapanaak kounalan di tagazo kuminaa do mogiigizon di kogompit id pototongkop pogun Sabah diti.

Ka disido, gisom baino diti, soginumu 93 Geran Komunal i kopogompit 263 kampung om 13,224 benefisiari miampai hinaab tana 147,547.23 ikal.

Ka di Musa, isido ponogi i Poniikon Barisan Nasional (BN) Sabah, suvai ko manaak kapatutan kosinganuan tana kumaa do mogiigizon di nokogompit i miho tungkuson do tanak manangaki, kinopongungkapan do Geran Komunal diho nga mongumohig nogi tana di nosinganu do aatu id hongkod do tuhun suvai maza kapadagangan tana.

Tu iti ka disido, tana Geran Komunal au miho padagangon.

Suvai ko pongungkapan Garan Komunal, Kopolintaan pogun maza do Koupisan Tana om Monuku, nga pinopointutun nogi do Galan PANTAS suvai ko Galan N.T om F.R.

Id abaabazan nokomoi, pinapataak nogi i Musa do 225 Galan PANTAS kuminaa doid 40 mononoimo i kigatang RM80,000 id nomboo do tikid mononoimo kaanu subsidi RM2,000.

Kokomoi miampai abaabazan Roadshow Yayasan Sabah, minoboos i Musa do iho nopo nga manaak kosivatan kumaa do tuhun ginumuan posoihi montok momiumon kotoinaan miampai aiso kabalai do koupisan om oginsi polinta i poingampai nogi do manaak kotoinaan id po’ompus abaabazan do maapanau.

Potindapou nogi id abaabazan nokomoi I Montili Id Koupisan Huguan Montili, Tan Sri Joseph Kurup, Puu Hintuun Negara i Senator Datuk Abdul Ghani Yassin, Kumoduvo Potunud Yayasan Sabah i Datuk Hajah Rosmawati Haji Lasuki, Upisol Uvang Nabawan i Fredian Gan, mingkakat BN montok Parlimen Pensiangan i Arthur Joseph Kurup, mingkakat BN montok DUN Nabawan i Datuk Bobbey Suan, mingkakat BN DUN Sook i Datul Ellron Alfred Angin, huguan ngaavi koupisan om buuan ngaavi mogiigizon.

   
Email Print
   
 
 
E-browse