Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Artis nokoiyonon kiguno haro kotinanan sondiri momumuhu do royalti ’ |  Wani Kayriekalabus sinding wagu pintangaan toun diti |  4,184 susumikul mantad 18 institut nokotoimo sakadai poimbida RM950 |  Stesen kereta api di Melalap roboh akan baik pulih |  Borneo Combat Gym serah sumbangan bernilai RM8,660 |  23 RAMD sempurna ambil alih tugas 6RRD |  Ketua, wakil jabatan berpeluang lihat lebih dekat peranan TLDM |  Lebih 4,000 pelajar menuntut di IPT/S di Sabah terima bantuan khas 'one off' RM950 |  Utamakan kepentingan parti: Sapawi |  BN tidak pernah ‘anaktirikan’ kawasan pembangkang: Musa |  Starbucks at Petronas kiosks |  DHL to build Johor gateway |  Hectic match schedule costs Sabah dearly |  Jelius: Worst-ever performance thus far |  MyBazar, online marketplace for promoting local products | 
 Kadazan Dusun

Dazanak miapid om tadi dioho nosoob id kinaantakan hamin notutudan id Semporna

170418-_terbakar1
Koozuvo do hamin di notutudan i pinopoundun kiniopon tohu dazanak.

17th April, 2018

Di NAZRINI BADARUN

SEMPORNA: Miumbang miapid kiumul himo toun om tadi kusai dioho kiumul apat toun, nosoob id kinotutudan do iso hamin kunsi pakalaja kabun TSH Collecting Centre Semporan, di kiikila jaam ko 7.40 totuvong di songkoniab.

Munggui di nosoob diho nointutunan sabaagi do i Harmasius Roman @Abdullah om tapid disido i Fonsaliana, 5, om nogi tadi dioho i Amsalinus, 4, nokito id boogizan siibo dopuan do hamin.

Id kopoihaan di Huguan Pulis Uvang, Supt. Peter Umbuas, minoboos do id pinonoizukan kohimpupuun, noihaan tootohu do munggui, tinimpoon do tama dioho montok minogongoi do tina dioho i doiho id Pegagau.

“Tumanud di tama do munggui, ontok izioho tongkizadai, vavazaan douvi do hamin kinunsian om savi avi do munggui id boogizan suang tohivang do hamin miampai taangob id doguvang hamin au nokokunsi,” ka disido.

Minoboos i Peter do ontok id pamanaan muhi, tina, tama di minggu nokokito hisup poinsomok do hamin om songian koikot, noihaan o hamin dioho do notutudan.

“Tama di munggui kumininam montok manampasi savi avi di munggui nga au nakaanu tu tapui dino uminahab miampai osikap,” ka disido.

Tinan do tootohu munggui novit di Hamin Pongusapan Semporna montok pomolisaan kotihombusan om pamazazakan ponoizukan papanaon do tadau baino, id boogizan Forensik Hamin Pongusapan Tawau.

Naamot diho, minoboos i Huguan Balai Bomba om Manampasi (BBP) Semporna, i Fazizul Hizam Borhan, do nokotoimo o boogizan dioho hohoou di kiikila jaam ko 7.47 doungosodop om minabpo id kinoizonon kinaantakan i id kinoizonon 15 kilometer mantad balai bomba Semporna.

Tumanud disido, duvo injin miampai 10 puu pinaabpo id kinoizonon kinaantakan om songian koikot do doiho, noihaan kinotutudan dino pinopogompit iso hamin do notutudan 95 piatus.

“Ontok kinaantakan, pinoiho do kivaa tohu munggui id suang do hamin om mininggisom tokou do momisok om manampasi di munggui kogompit, poingkuo po nga nokito id koozuvo do nosoob,” ka disido.

Minoboos i Fazizul do kalaja momisok diho naanu minononsob do tapui di jaam ko 9 doungosodop om nopupusan di jaam ko 9.43 doungosodop.

Nontodonon kinaantakan diho kakaal id ponoizukan.

   
Email Print
   
 
 
E-browse